жития дела своя, в кротости и в премудрости. Аще ли зависть горьку имате
и рвения в сердцах ваших, не хвалитеся и не лжите на истинну. Несть сия
премудрость свыше и нисходяще, но земца и бесовска душе пагубна.
Идеже бо зависть и рвения, ту нестроения и всяка зла вещь совершается; а
вышня премудрость первое убо чиста, потом же мирна и кротка, благо-
покорлива, исполнь милостиа, плодов благих, несумненна и нелицемерна.
Плод же правды во смирении сеется творящим мир. Откуду брани и свары
в вас? Не отнюду ли, от сластей ваших воюющих в душах ваших? Желаете,
и не имате; убиваете, и завидите, и не можете улучити; сваряетеся и
борете, и не имате, зане зле просите; просите, да в сластех ваших
изживете. Приближитеся к Богу - приближится к вам; очистите руце,
грешницы, и очистите сердца, двоедушии. Не оклеветайте друг друга,
братие: оклеветан или осуждая брата своего, оклеветает закон и осуждает
закон; аще ли закон осуждавши, неси творец закону, ни судия. Един есть
закону давец и судия, могий спасти и погубити. Ты же кто еси, осуждая
друга?».
Или мниши сие быти светлость благочестива, еже обладатися царьству
от попа невежи, от злодейственных и изменных человек, и царю
повелеваему быти? И сие ли супротивно разума и совесть прокажонна, еже
невежу взустити и злодейственных человек возразити от Бога данному
царю воцаритися? Нигде же обрящеши, еже не разоритися царству, еже от
попов владому. Ты же убо почто ревнуеши - иже во грецех царствии
погубивших и турком повинувшимся? Сию убо погибель на твою главу
паче да будет! К сему же и сему подобен еси, яко апостол пишет к
Тимофею, глаголя: «Чадо Тимофее, сеже веждь, яко в последняя дни
21
настанут времяна люта; будут человецы самолюбцы, сребролюбцы,
облазнви, горди, хульницы, родителем противящеся, неблагодарни,
непреподобни,
нелюбиви,
несоветохранители,
прелагатели,
невоздержницы, некротцы, неблаголюбцы, предателе, презорливы,
возносливы, сластолюбцы, паче нежели боголюбцы, имуще образ
благочестия, силы же его отвергошася. И сих отвращайся. Водима
похотьми различными, всегда учящеся, и николи же в разум истинный
прийти не могуща. Яко же Анний и Амврий противистась Моисею, тако и
сии (П противистась Моисею тако и сии нет.) противятся истинне,
человецы растлевшеи умом, неискусни о вере. Но не преуспеют паче о
мнозе: безумие бо их яве будет всем, яко же и онех бысть».
Или убо сие свет, попу и прегордым, лукавым рабом владети, царю же
токмо председанием и царьствия честию почтенну быти, властмю ничим
же лутчи быти раба? А се ли тма, яко царю содержати царьство и владети,
рабом же рабска содержати повеленная? Како же и самодержец
нарицается, аще сам не строит? Яко же рече апостол Павел к галатом
пиша: «В колико лет наследник младенец есть, ничим же путче есть раба,
но под повелительми и приставники есть, до нарока отчя». Мы же,
благодатию Христовою, доидохом лет нарока отчя, и под повелительми и
приставники быти не пригоже.
Речеши ли убо, яко едино слово обращая семо и овамо, пишу? Понеже
бо есть вина и главизна всем делом вашего злобеснаго умышления, понеже
с попом положисте совет, дабы яз лише словом был государь, а вы б с
попом во всем действе были государь: сего ради вся сия сключишася,
понеже и доныне не престаете, умышляюще советы злыя. Воспомяни же,
егда Бог изважаше Израиля из работы, и егда убо священника ли поставил
владети людьми, или многих рядников? Но единаго Моисея, яко царя,
постави владателя над ними; священствовати ему не повеленью, а брату ж
его Аарону повеле священствовати, людскаго же строения ничего не
творити; егда же и Аарон сотвори людскни строи, тогда и от Бога людей
отведе. Смотри же сего, яко не подобает священником царская творити.
Тако же Дафан и Авирон хотеша восхитити себе власть, и како сами
погибоша, и какову многому Израилю погибель нанесоша? Еже вам,
боляром, прилично! После того же быти судия Израилю Исус Наввин,
священник же Елеозар, и оттоле, даже и до Илия жерца, обладаху судна:
Июда и Варак, и Еффа, и Гедеон и ины многи, и каковы советы и победы на
противныя поставляху и Израиль спасаху! Егда же Илия жрец взял на ся
священство и царьство, аще сам праведен бяше и благ, но понеже от
обоюду припадшему богатьству и славе и како сынове его Офни и Финеес
( Так К; П сынове; ХСУ Финиос. ) заблудиша от истинны, и како сам и
сынове его всею злою смертью погибоша, и весь Израиль побиен бысть, и
киот завета Господня пленен бысть до дни Давыда царя? Видиши ли, яко
священство и рядничество ( Так К, ХСУ; П моловательно. ) царьским
22
владателем не прилично? Се же убо в Ветхом законе; в Римском же
царьствии, и в новой благодати, в грекех, еже по вашему злобесному
хотения разума случися. Како убо Август кесарь всею вселенъную
обладаше: Аламаниею и Долматиею и вся Италиския места, а готфы и
саврьматы, и Афинепю, и Сириею, и Киликеею, и Ассеею, и Азеюю, и
Междоречием, и Каппадокийскими странами, и Домаском градом, и
Божиим градом Иерусалимом, и Александреею и Египетскою власть, даже
и до Перския державы; вся сия под единою державою бяху много лета,
даже и до первого во благочестии и великаго Констянтина Флавиа. И после
его, чяда его разделиша власть: Констянтина убо во Цареграде, Констянтий
же в Риму, Конста же в Долматии. И оттоле убо начя греческая власть
делитися и скудость приимати. И паки, во царство Маркияне, во Италии
мнози князи, от мест блюстители, восташа, подобно вашему злобесному
умышлению, во царство Лва Великого и обладаша коиждо своими месты,
яко же во Африкии Зинзирих рига и ины многи. И оттоле убо всяко
строение (( Так К, ХСУ; П строющо) царьствия Греческаго преста: токмо
убо упражняхуся ( П ся нет. ) на власти и чести и богатьства, и
междоусобными браньми разтлевахуся. Во царство Анастасия Дикорота
Драчянина болми начя оскудевати греческая вера и власть, понеже убо
персы начяша воевати и Месопотамийскую митрополью взяша, и многи
воины восташа, якоже Виталику, и к стенам Константина града притти
ратию. Тако же при Маврикии велми оскуде греческая власть. При Фоце
же мучителе Хоздрою перскому царю Фракискую пленившу, Ираклею же
худейше царьство восприимшу, епархом же и ипатом ( Так К; П пилатом. ) и
всему синклиту не престающе о властех и о богатствех меж собя
ратоватися и грады и власти и имения стяжевати; греческому же царьству
от сих всех разтлевающе. Во царьство Иустина Корноносаго болми от
варвар греки побеждени быша и множество воин побиени быша. Тогда убо
болгарская вера и власть особь учиняшеся - епархом и сунклиту и всем
властелем не престающим о властех меж собя ратоватися, и вся хотения
своя улучившим во градех и во властех и имениях и богатствах, якож рече
пророк: «И не бе числа оружия их, и не бе числа коней их, и не бе числа
сокровищь их, дщери их преудобрены и преукрашены, яко подобие церкви
хранилища их, исполнь отрыгающи от сия во ону, овца их многоплодны,
множащеся во исходптцих своих, волове их толсти, несть падения,
градежу, ни прохода, ни вопля во стегнах их».
Но како убо по вашему злобесному хотению ублажиша же ( Так К; П
ублажили; ХС ублажили ли; У ублажили надписано ублажиши. ) людей
сих, иже сия суть, яко Исайя пророк рече: «Что и еще уязвистеся,
прилагающа беззакония? Всяка главизна в болезнь, и всяка сердца в