2019 сыл уот тыла
Адыаччыга баһаар —Тула буруо ытылынна,Үөһэ куйаас ыгылынна,Ийэ сир хабырынна.Адыаччыга баһаар —Байды хаана уһугунна,Күрдьэх буорга анньылынна,Тэҥэ суох киирсии күүрдэ!Адыаччыга баһаар.Уот тыла сурулунна:Иччилээх – иччитэхсийдэ,Иччитэх – иччилэннэ!Адыаччыга баһаар.Ууну-уоту дьылҕаламмытКиэҥ халлаан барытын көрөр.Олох салҕанарын туһугар?
Адыаччы кырдьыга
Эһиги билбэккит, хоноһо оҕолор,Биһиги эбэбит – Адыаччы үрэхпитҮйэлэр тухары көҥүл сүүрүгэОлохпут төрдүн олохтуурун:Ыраас уутугар, сырдык сүүрүгэрБарыылаах оҕонньор алҕыырын,Уордаах Дьөһөгөй саас аайыСыспай сиэллээҕи анаан ыытарын…Билбэккин айыы, аньыы иккиСүлдьүүтүгэр сөрөнөн сылдьарын,Ол иһин көмүстээх кытылыгарДьон кырдьыга сатаан саспатын.
Айыыһыттаах Адыаччы
Адыаччым барахсан сарсыҥҥытаУста сүүрүгүрэр эбэҕэ ханыылыы,Кини үрдүөх, томтойуох дьолоАарыгырар Ыыннаах чыпчаалыныы.Көмүс кумахтаах кытылын кыйаЫһыллар ырыаһыт оҕо тыллара,Тапталга билинэр, сүргэни көтөҕөрУдьуор силистэн үүнэн тахсар.Сүүс төгүл сууралларга ууруллубутҮрдүк биэрэк билигин да ыллыктаах,Эргиччи уот тылын билбит ойуурБыйыл да куобаҕын кэтэһэр.Айыыһыт манна хаһан эрэАлаһа дьиэлэри алҕаан ааспыт,Улуу Суорун оҕонньорБиир уотун манна оттубут.