ЛОГ (3) На баннере высветилась надпись: Таможня работает круглосуточно. Рассказ записывается в файл Logs\ClassicsLog.txt Отправитель Буцефал. Получатель Парсер Х.
Соломон же царевич, шествуя по брегу моря теплаго, и прииде в весь некую. И обрете крестьянина — рожь на гумне молотит. И сяде Соломон царевич на омете ржаном. И как крестьянин отмолотил хлеб, и бысть у него хлеба много, что не во что сыпати. И бысть у него три сына. И рече крестьянин сыновам своим: «Чада моя возлюбленная, аз есми стар, а мати ваша лежит при смерти. И аз хощу житие мое вам разделити, чтобы по смерти моей меж вами злобы не было». А у того крестьянина три сына да три дщери девицы. И раздели крестьянин той живот свой на троя: злато и сребро положи — едина доля; вторая часть — скот и кони; третья
часть — хлеб всякий. И рече отец сыновам своим: «Чада моя милая, послушайте моих словес. Аще кто поведает злату и сребру цену, и отчего сотворено, и чим сие взято, тому есть злато и сребро. И который мне отвещает в конех и в скотине, которой конь всех честнее и которая скотина человека богатит, и еще скажите мне, с которою скотиною человек говорит и в которой скотине человек опочивает — тому и скотина вся. И еще скажите мне, сколько чего в хлебе зерен, тому и хлеб весь». И тут дети отцу своему не могли ничего ответу дати. И един сын поиде к омету зело печален, где царевич Соломон сидит, и узре царевича Соломона. И рече ему Соломон: «Почто, брате, скорбиши и о чем вельми сетуеши?». И крестьянской сын рече ему: «Брате, скорблю о сем: отец наш раздели нам, сынам своим, имение свое мудростию, сребро и злато, кони и скотину и хлеб всякий; и рек нам мудростию велию, и повеле нам мудрым своим речам ответ дати, которому что, кто ответ даст, и нам не могущим ответствовати против его речей». И рече Соломон: «Брате, не мудрость отца вашего сия речь, но глупость. Аз млад, леты мал, сию его мудрость всю разумею и имам ему ответ дати. Можете ли вы меня большим братом имети?». И рече крестьянской сын: Государь, младое детище, помилуй нас трех братов, дай ответ отцу нашему и раздели нам житие отца нашего и вся его в дому нашем, имамы тя болшаго брата имети». И увиде крестьянин детище младое и прииде к нему и вопроси его: «Скажи ми, чадо, откуду еси пришел, и коего града, и кто есть отец твой и мати, и почто семо обитавши зде, и живы ли у тебя отец и мати?». И рече царевич Соломон крестьянину. «Аз есмь града божия Иерусалима, отца праведна; отец же мой певец, а мати моя блудница. Отец мой сидит в воде по горло, просит пити, а сам напитися не может». И крестьянин удивися Соломоновой премудрости. «А имя мое наречюся Разумник». И назва его крестьянин сыном четвертым. И рад бысть ему вельми. И вопроси царевич Соломон крестьянина и рече: «Что, отче, чадом своим рек, им сия мудрыя словеса о животе своем, и им немогущим отповедати тебе, аз сию твою мудрость могу отповедати тебе». И рече Соломон крестьянским сыном: «Кинте жребии, кому вам будет злато и сребро, и кому будет скотина и кони, и кому будет хлеб всякий». И кинуша крестьянский дети, три брата, жребии: большему достася хлеб, среднему достася злато и сребро, меншему достася кони и скотина. И бысть вечер сущу, и рече Соломон крестьянским сыном: «Послушайте, братия мои! Отец ваш и мати умрут, и после их будете вы в разнем чину: больший брат будет в отеческом чину — крестьянином и сщаслив будет, средний брат будет купец, менший брат будет воин, приимет у царя болярство; вси вы будете богатии». И рече крестьянин: «Скажи мне, отроча, есть у меня три дщери девицы, кому которая дщерь моя будет жена?». И введе его в дом свой. И рече Соломон крестьянину: «Большая дщерь будет попадья, вторая будет гостиная жена, третья будет боярыня». И рече крестьянин Соломону: «Вижю тя, отроча, вельми разумна и мудрость во устех твоих. Скажи мне ответ словесем моим, что есть отчего злато и сребро сотворено?» И рече Соломон: «Злато сотворено от царских очей. Всему богатству царь — злато, украшение всякаго человека и честь, а сребро от неправды и мзда есть: единаго человека богатит, а другаго разоряет, и разбой и татьбу подымает, и человека веселит, а душу его во ад сводит и в муку вечную». И крестьянин зело подивися скорому и мудрому его ответу и бысть во ужасе велицем. И потом царевич Соломон повеле злато и сребро отдать сыну. И повеле отцу сына наказати вельми, чтобы держал имение свое правдою, а не лихоимством. И паки рече крестьянин Соломону: «Скажи мне, чадо мое, богом данное, вторый ответ: с которым конем человек говорит, и которому коню кони покоряются, и в которую скотину человек входит и исходит, и в которой скотине человек опочивает?». И рече царевич Соломон: «Человек говорит с конем возатой всякое число, понеже работает на нем или ино что творит; а поклоняются кони конем — ослятю, потому что он всем коням глава. А в скотину человек жив входит и паки исходит, то есть скот овен: его люди всякия заколают, мясо снедают, а в кожю весь облачается — и главу, и руце, и нозе; потом человек входит и паки исходит, когда на опачин разоблачится; и потом человек опочивает на скоти крылатой: гуси человецы убивают, мясо снедают, а перья утеребя, перины делают и на них опочивают». И потом царевич Соломон повеле отцу кони и скотину всю сыну меншему отдать. И повеле ему сына своего наказати, чтобы жил не гордостию и не величанием, чтобы милость имел ко всем православным християном. И тут крестьянин нача от страха трепетати я не мог сидети. И потом востал крестьянин з женою и з детми противу его, видя отрока вельми мудра зело, и нача его о третьем ответе вопрошати: «Скажи ми, чадо мое, богом данное, третий ответ: что щету в моем всяком хлебе зерен, что именуется тело Христово, и без котораго хлеба человек не умирает?». И рече царевич Соломон: «Счет хлебу твоему — у человека зубы во рте: сколко человек зубами откусит хлеба, сколько было зерен в куске, постольку и пожует. Человек мало укусит — мало пожует, много откусит — много и жует, только без хлебания. А тел