м своим, чтобы свои товары продати, и здешния бы товары закупити». И рече ему царица: «Гость заморский, сказывали мне боярыни мои сенныя, есть-де у тебя камения самоцветное, в день, аки огнь, горят, а в нощи, аки свещи, светят». И рече Соломон: «Государыни царица Вирсавия, есть у меня три каменя: един камень мне поднести царю Давиду, а другий камень отдать за ним в приданы, а третий камень аз буду держать про себя на корабле для свету в нощи, вместо свещи». И рече царица: «Гость заморянин, продай мне един камень». И рече Соломон: «Продам, аще кто со мною сию нощь переспит, тому и камень отдам». И положи пред царицею един камень, и тот камень всю освети полату царицыну, и немощно на него человеку зрети, на тот камень. И царица рече Соломону гостю: «Ляжи ты со мною в нощь сию». И взя его за руку и поведе его ко одру своему царскому. И царевич Соломон убояся суда божия, и ста пред одром царским, и изумевся, и стал думать, како бы матери своей изобличитися безгрешно. И рече царица Соломону: «Гость заморянин, пойди смело ко одру моему! Чего боишися? Или тя скупость объяла каменя ради, что нейдешь семо? Видишь, никого в полате моей несть». И рече Соломон: «Государыни, благородная царица Вирсавия! Ты мя зовеши на постелю свою, да одеяло царское страшит мя». И царица ухватила его за шею, и поцеловала его, и положила его с собою спати на одре своем. И взя царица руку его, и положи на перси своя, и рече ему: «Гость заморенин, что сие?». И рече ей Соломон: «Аз сим воскормлен, то мое есть сахарное кушание». И царица подвигнула руку его по белому своему чреву и рече: «Гость заморенин, что сие?». И рече Соломон: «То есть мои камение и златый терем, в том еси тереме аз опочивал». И царица подвигнула Соломонову руку под свое срамо и рече: «Гость заморенин, что сие?». И рече Соломон: «То есть врата моего терема, оттуду аз изыде, и свет божий сей узрел, и по земли пошел». И царица изжидала времени похотной or него. «Како ты премудр еси и скуп, и не хощеши воли моея сотворити, каменя ради». И вскочи Соломон с одра ея, и паде на землю, аки мертв, лежа на земли на долг час. Царица же зря на него, ужасеся вельми. Соломон же воста от земли, вопия горко со слезами: «О госпоже мати моя, благородная царица Вирсавия! Возри на мя любезно, на чадо свое! Ты, мне родившая, мати истиннаго своего сына. Аз есмь не купец заморенин, но сын твой Соломон царевич, которой послан был тобою на погубление з боярином Ичькилою на теплое море. И меня господь бог соблюл от тоя напрасный смерти, и жива мя пред вами поставих, и тебя, мати моя, избави от греха сего напраснаго. Воистинну ты мати моя, родимая моя! И как аз тебе глаголах во младых летех: у всякия жены волосы долги, да ум короток». И услыша сие царица Вирсавия, мати его, глаголы царевича Соломона, и бысть аки мертва, и зря на него, и немогуще к нему провщевати что. И охапи Соломон матерь свою, и нача ея любезно целовати, и умилно отвещевати, и сяде с нею на царском одре беседовати. И услышали сенныя боярыни и девицы радость велию в полате и глагол велик в нощи. И приидоша ко царице в полату, и узревши в полате царицу едину с купцем заморенином охапившихся на одре царском седящих, и устрашишася вси, и побегоша вон из полаты. И бысть шум велик. И послыша тот шум царевы ближний вельможи, что у царицы нощию в полате радость и шум велик, и возвестиша царю Давиду о сем. И царь Давид скоро от одра своего воста и иде ко царице уведати. И прииде и узре царицу за столом с купцем заморянином охапившися седоша и умилно целующихся. И царь Давид устрашися вельми, и взя меч свой царский, и хотя царицу и царевича Соломона напрасной смерти предати. И вскочи Соломон царевич, паде на ногу отцу своему царю Давиду, вопия со слезами: «Государь мой батюшка царь Давид Иессеевич, не предавай напрасной смерти! Аз не купец заморянин, но сын твой прелюбезный Соломон царевич. Ты мя роди сам. А се мати моя, родившая мя. И бысть от рождения своего трех лет у тебя, государя, в дому и внезапу что в полунощи найде на мя безвестная смерть. И господь бог избави мя, и до сего часу жива мя сотвори, и постави мя пред лицем твоим». И царь Давид от радости не моги сына своего Соломона охапити, и паде на стол, нача вопити к богу: «Господи боже Саваоф отец наших, Авраамов, Исааков и Яковль, создавый перваго человека Адама, такожде и потом соблюде сына моего Соломона до сего часа жива». И лежа на столе на долг час, и творя достойный молитвы, и поя псалмы. И воста от стола, и ухвати сына своего Соломона за выю его, и нача его любезно целовати и миловати, и вопрошая: «Повеждь ми, сыну мой любезный, жезл и подпора старости моей и всему царствию моему, како господь бог соблюл тя от напрасный смерти и нощию не изгибе и где пребыл еси доселе?». И Соломон царевич сказа отцу своему вся случыпаяся поряду. И царь Давид бысть в велицей радости. И посла по всему граду Иерусалиму праповедников, повеле вопити, чтобы стекалися князи, и боляре, и августилины, и вси евреи на двор ко царю Давиду на великую радость и поклон царевичю Соломону. И граждане, князи, и бояре, и августилины, и вси евреи снидошася ко царю Давиду на двор его царский и поклонишася царевичю Соломону. И потом царь Давид посади царевича Соломона, сына своего, на свой царский престол, и даде ему в руку свой скипетр царский, царства Иерусалиму Соломонови. И вси князи, и боляре, и августилины, и вси евреи поклонишася царю Соломону и поздравиша его с радостию великою. И бысть радость велия во граде Иерусалиме о царе Соломоне, и пройде слава его и о премудрости его во вся окрестный страны. И потом царь Давид рече сыну своему царю Соломону: «Чадо мое царю Соломоне, здрав буди на престоле своем царьстем во веки». И не по многом времени рече царь Давид сыну своему царю Соломону: «Чадо мой, вижю тя вельми премудра и разумна. Аз стар. Во царствии моем во граде Иерусалиме изволь разсудить суд. Бысть у некоего евреина народися детище в дому его, и прилучися соседовой жене в том дому быти, и у ней чад не бысть. И бысть рождению младенцову. И уснувши матери и всем в дому том. И прибеже нощию соседовой жене, и украде детища у тоя жены, и принесе в дом свой, и учини краденному детищу рождение. И ляже на одре своем, и повеле мужю своему заклати овцу, и кровию помаза срам свой, и призва бабу ко младенцу и иерея с потребою быти. И такж изготовиша младенца крестити. И восташа на утрия вси в дому его жители, где прежде младенец родися, и в колыбели младенца не обретоша, и сыскати его не можно нигде. И в то же утро нача сосед краденного младенца крестити в церкви. И прииде в церковь евреин, отец младенца, и опозна сына своего, и прибеже ко мне, и бьет челом о детище, сыне своем. И повеле аз евреину тому украдшаго младенца пред себя поставити и матерь со младенцем». И повеле царь сыну своему Соломону царю их судити. И сяде царь Соломон на судищи, и вопроси их, матерь родившую и украдшую младенца, и не возмогоша от них опознати, понеже глаголюще: едина жена глаголет: «Аз родих», другая глаголет: «Аз родих». И повеле царь Соломон пополам пресещи младенца: едину половину рождыней отдати, а другую — украдшей. И рождыпая мати виде, изжалися зело и поклонися царю Соломону, чтобы младенца не рубити надвое. А украдшая мати бьет челом царю Соломону, чтобы младенца пресещи пополам. И виде царь Соломон мать рождыную, чтоб младенцу живу быти, и отда той матери, которая не повеле казнити. И разсуди царь Соломон правду их. И в некое время рече царь Давид сыну своему, царю Соломону, глаголя: «Пора тебе, чадо мое, женитися на премудрой царице, а поняти дщерь цареградского царя Вотоламана, дщерь его Соломониду». Соломон же поклонися отцу своему. И повеле царь Соломон отцу своему Давиду во Царьград послати ко царю Вотоламану по дщерь его Соломониду. И послы поехаша во Царьград, и привезоша к нему царевну Соломониду, зело прекрасна и мудра. И царь Соломон венчася с нею, с царевною, во святей божьей церкви. И бысть брак честен. И наутрия прииде царь Соломон ко отцу своему и матери со царецею своею Соломонидою и поклонися има. И рече царь Давид сыну своему царю Соломону: «Чадо мое, царю Соломоне, царица твоя Соломонида велми мудра и ты, чадо, мудр же еси». И прорек ему царь Давид: «Чадо мое Соломоне, по неколицем времени будеши у нея под гузном ея сидети. И потом от нея смерть свою узриши, токмо насилу премудростию своею тое смерть одолевши, а невдолзе сие совершится». И потом поживе царь Давид недолгое время и преставися во блаженное успение и в вечный покой и с царицею своею Вирсавиею. Царь Соломон велми плачася по отце своем и по матери. И погребе их честно по царскому чину. И потом после отца своего, царя Давида, царь Соломон покори под себя мудростию своею многия царства и вси окрестный земли, и Римское царство силное овладе. И потом царь Соломон посла послов своих ко индейскому царю Пору, лист имуще писание сицево: «От великаго и премудраго царя Соломона исраительскаго индийскому царю Пору богатому радоватися. По неколицем времени был я у тебя в дому и служил у царицы твоей в кравчих три лета. Имя мое было Разумник. И с царицею твоею пребыл по воли своей. И перстень твой царский любимый золотой у нея с правыя руки аз снял, и тот твой любимой перстень к тебе посла. И ты, царю Поре, скажи своей царице нечестиеея, от меня любимый поклон, ниско поклонися, а чтоб впредь она меня к себе не ожидала: аз иную царицу себе обыскал у царьградскаго царя Вотоламана, дщерь его понял и женился на ней». И царь Пор