ломон царевич сказа отцу своему вся случыпаяся поряду. И царь Давид бысть в велицей радости. И посла по всему граду Иерусалиму праповедников, повеле вопити, чтобы стекалися князи, и боляре, и августилины, и вси евреи на двор ко царю Давиду на великую радость и поклон царевичю Соломону. И граждане, князи, и бояре, и августилины, и вси евреи снидошася ко царю Давиду на двор его царский и поклонишася царевичю Соломону. И потом царь Давид посади царевича Соломона, сына своего, на свой царский престол, и даде ему в руку свой скипетр царский, царства Иерусалиму Соломонови. И вси князи, и боляре, и августилины, и вси евреи поклонишася царю Соломону и поздравиша его с радостию великою. И бысть радость велия во граде Иерусалиме о царе Соломоне, и пройде слава его и о премудрости его во вся окрестный страны. И потом царь Давид рече сыну своему царю Соломону: «Чадо мое царю Соломоне, здрав буди на престоле своем царьстем во веки». И не по многом времени рече царь Давид сыну своему царю Соломону: «Чадо мой, вижю тя вельми премудра и разумна. Аз стар. Во царствии моем во граде Иерусалиме изволь разсудить суд. Бысть у некоего евреина народися детище в дому его, и прилучися соседовой жене в том дому быти, и у ней чад не бысть. И бысть рождению младенцову. И уснувши матери и всем в дому том. И прибеже нощию соседовой жене, и украде детища у тоя жены, и принесе в дом свой, и учини краденному детищу рождение. И ляже на одре своем, и повеле мужю своему заклати овцу, и кровию помаза срам свой, и призва бабу ко младенцу и иерея с потребою быти. И такж изготовиша младенца крестити. И восташа на утрия вси в дому его жители, где прежде младенец родися, и в колыбели младенца не обретоша, и сыскати его не можно нигде. И в то же утро нача сосед краденного младенца крестити в церкви. И прииде в церковь евреин, отец младенца, и опозна сына своего, и прибеже ко мне, и бьет челом о детище, сыне своем. И повеле аз евреину тому украдшаго младенца пред себя поставити и матерь со младенцем». И повеле царь сыну своему Соломону царю их судити. И сяде царь Соломон на судищи, и вопроси их, матерь родившую и украдшую младенца, и не возмогоша от них опознати, понеже глаголюще: едина жена глаголет: «Аз родих», другая глаголет: «Аз родих». И повеле царь Соломон пополам пресещи младенца: едину половину рождыней отдати, а другую — украдшей. И рождыпая мати виде, изжалися зело и поклонися царю Соломону, чтобы младенца не рубити надвое. А украдшая мати бьет челом царю Соломону, чтобы младенца пресещи пополам. И виде царь Соломон мать рождыную, чтоб младенцу живу быти, и отда той матери, которая не повеле казнити. И разсуди царь Соломон правду их. И в некое время рече царь Давид сыну своему, царю Соломону, глаголя: «Пора тебе, чадо мое, женитися на премудрой царице, а поняти дщерь цареградского царя Вотоламана, дщерь его Соломониду». Соломон же поклонися отцу своему. И повеле царь Соломон отцу своему Давиду во Царьград послати ко царю Вотоламану по дщерь его Соломониду. И послы поехаша во Царьград, и привезоша к нему царевну Соломониду, зело прекрасна и мудра. И царь Соломон венчася с нею, с царевною, во святей божьей церкви. И бысть брак честен. И наутрия прииде царь Соломон ко отцу своему и матери со царецею своею Соломонидою и поклонися има. И рече царь Давид сыну своему царю Соломону: «Чадо мое, царю Соломоне, царица твоя Соломонида велми мудра и ты, чадо, мудр же еси». И прорек ему царь Давид: «Чадо мое Соломоне, по неколицем времени будеши у нея под гузном ея сидети. И потом от нея смерть свою узриши, токмо насилу премудростию своею тое смерть одолевши, а невдолзе сие совершится». И потом поживе царь Давид недолгое время и преставися во блаженное успение и в вечный покой и с царицею своею Вирсавиею. Царь Соломон велми плачася по отце своем и по матери. И погребе их честно по царскому чину. И потом после отца своего, царя Давида, царь Соломон покори под себя мудростию своею многия царства и вси окрестный земли, и Римское царство силное овладе. И потом царь Соломон посла послов своих ко индейскому царю Пору, лист имуще писание сицево: «От великаго и премудраго царя Соломона исраительскаго индийскому царю Пору богатому радоватися. По неколицем времени был я у тебя в дому и служил у царицы твоей в кравчих три лета. Имя мое было Разумник. И с царицею твоею пребыл по воли своей. И перстень твой царский любимый золотой у нея с правыя руки аз снял, и тот твой любимой перстень к тебе посла. И ты, царю Поре, скажи своей царице нечестиеея, от меня любимый поклон, ниско поклонися, а чтоб впредь она меня к себе не ожидала: аз иную царицу себе обыскал у царьградскаго царя Вотоламана, дщерь его понял и женился на ней». И царь Пор индейский у послов тое грамоту взял и перстень, и прочел, и вне ума своего ста, и опечалися велми, и изодрав всю тое грамоту Соломонову; и перстень свой взя у послов златый, и узре на перстне подписание его царствия. И возъярися вельми царь Пор на царицу свою. И повеле ей без пощады главу отсещи. И потом посла царь Пор приставников своих и повеле по всему своему царству кликати, кто бы выискался такой человек и шел бы во град Иерусалим во царство Соломоново и проведал бы, женат ли царь Соломон или не женат. И выискался к нему княженецкой слуга и рече: «Государь царь Поре, аз тебе проповедаю о Соломоне царе, женат ли он или нет. Аще ли он женат, и аз тебе царя Соломона и царицу его приведу к тебе, и отсмейся ему». И царь Пор велми тому радостен бысть. И рече ему Пор царь: «Что тебе подмога дать? Возми у меня войско, сколько тебе угодно, и возми злата и сребра, елико хощеши». И рече ему княженецкий слуга: «Царю Поре, не надобно мне твое войско и ни злата, ни сребра — разве на потребу. Только вели мне устроить рукавичьки зело премудро, чтобы в царствии твоем таких рукавичек не обретахася. А нашить вели на рукавичьках самоцветное камение. И устрой мне корабль и наклади в него всякаго парчеваго товару». И царь Пор все ему по его слову устроил: рукавичьки и корабль. И слуга княженецкой взя рукавичьки, и злата, и сребра на потребу, и людей, и седе в корабль, и поеде во град Иерусалим к Соломону царю, яко гость корабелной. И как приеде кораблем во град Иерусалим и нача яко гость во граде торговати товарами и камением и драгими узорочьи. И как слуга время изождав, и поиде слуга ко царскому двору, и встречю ему некий боярин на царском дворе. И показа ему княженецкий слуга оные рукавичьки и рече: «Не купиши ли, царский боярин, оные рукавичьки». И боярин смотря на рукавичьки и рече ему: «Не нашския рукавицы сия, подобны сия рукавицы царю или царицы носити». И возвести оной боярин царице, что прииде некий гость из Индии богатой, и продает рукавички вельми изрядны, и таких рукавичьков отнюдь нигде не обретается и во всей вселенней. И царица посла боярина онаго и повелела гостя заморянина привести с рукавичьками оными. И гость прииде ко царице с рукавичьками и поклонися царице. И рече царица гостю: «Сказывали мне, что есть-де у тебя рукавички продажныя». И гость показа рукавички царице и рече ей: «Государыни благородная царица, свойския сия рукавичьки; аз от неволи их продаю на прокорм: нечего ясти, путем едучи. Аз их едучи взял в Индии богатой, понеже, государыни, у нас им не жадни, а сия рукавичьки прямыя свойския, не сиротския, тебе они угодны носити». И рече царица: «Гость заморянин, есть ли у вашего Пора царя царица?». И рече ей слуга: «Царь наш Пор холост. Была у него царица, да умерла, и ныне пытает царицы, где бы оженитися». И рече царица: «Гость заморянин, аз хощу за вашего царя Пора пойти». И слуга рече: «А меня, государыни, для того царь и послал, искати себе невесты». И рече царица ему: «Немощно мне уйти от царя своего Соломона. Царь Соломон премудр есть — везде меня сыщет». И рече ей слуга: «Аз, государыни, дам тебе забудущаго зелия и тебя мертву доспею. И как погребут тебя, и я могу тя из ямы вынить, и принесу тя на корабль свой, и оживлю тя по-прежнему здраву». И потом и инныя речи многия были у них. И потом по совету его даст царице забудущаго зелия, и царица мертва бысть ляже. И пришли царицыны сенныя боярыни и девицы, и виде вше царицу мертву на одре лежащу, и ужасошася зело, и возвестиша царю Соломону: «Государь царь Соломон, царица твоя Соломонида мертва бысть, лежаща на одре». И рече царь Соломон: «Отца моего царя Давида слово збылося мне».