ЛОГ (6) На баннере высветилась надпись: Таможня работает. Рассказ записывается в файл Logs\ClassicsLog.txt Отправитель Буцефал. Получатель Парсер Х.
И пойде к мертвой царице в полату и узре свою царицу мертву на одре лежащу. И царь Соломон, покачав главою, и повеле ея во гроб положити, и обручи железными оковати гроб, и гвоздием железным заковати гроб накрепко, и скрыти в землю зело глубоко. Не по царскому чину погребе ея. И постави у гроба ея стражи крепкия, и дабы кто нощию не украл царицы из гроба ея. И посланный слуга княженецкий нача думати, как бы царицу украсти из гроба и стражей примирить, и выдумав: и нача стражей от гроба к себе в корабль призывати, и честь им велию воздавати, и с ними дружитися вельми. И нача на корабле стражей дарити, и брататися, и сыновство творити: аще кто стар, того отцем называти, аще кто млад, того братом называти. И были у того гроба царицыни три стражи. И в третию нощь позва слуга княженецкой тех стражей к себе на корабль, и быша радость велия на корабле. Пиша всю нощь стражи, и потом с корабля соидоша, и поидоша к царицыну гробу. Пьяни быша и уснуша крепким сном. И слуга княженецкой видя, что стражи уснуша, повеле людем своим царицу из земли украсти и принести на корабль. Корабленицы же царицу выкопаша из земли и принесоша на корабль. Потом слуга подняв парусы и побежа по морю с царицею. И на пути морском разби царицын гроб и оживи царицу здраву и целу, и бысть царица жива. И привезе ея в Индию к Пору царю. Царь же Пор вельми радостен бысть и оженися на ней, а слугу княженецкаго велми пожаловал и одарил великими дары. Утру же бывшу рано, восташа стражи; у гроба царицына, и смотряше гроб, и не обретоша царицы во гробе, и быша во ужасе велицем и страсе. И поидоша и возвестиша царю Соломону о сем, что царицу гость индейский украде и уеха с кораблем. «И нас обманул в ту нощь: позва нас к себе на корабль и напои нас вином, нам же бысть пьяным и поуснувшим. И мы, великий царю, виновны тебе, и главы наши пред тобою и казни достойны». И царь Соломон, покачав главою своею и востужися вельми и рече: «О злая жена ехидна. Воистинну государя моего батюшки, блаженный памяти, царя Давида, слово збывается». И потом услыша царь Соломон, что царица его в Ындии здрава, о оженися ею Пор царь, и нача думу свою думати, как бы мудростию своею до царства Индийскаго доехати, и царицу свою доступити, и смех ея отмстити. И надумався царь Соломон, и нача войско свое вскоре собирати, и корабли на море готовити, и сотвори на море тридесять кораблей, а войска собра 30 тысяч. И повеле в корабли нагрузити всяких товаров, и постави бояр своих во всех кораблях гостьми и купчинами, и повеле всякому кораблю разных градов языками глаголати и разными странами нарещися: всяких стран по языку и по нраву всякия земли. И повеле корабли одеяти сукнами разными. И поеха царь Соломон по морю разным путем. И приеде царь Соломон во Индию богатую под град. Со всех четырех сторон корабли разно постави и нарекошася гостьми, бутто что приехаили с товарами торговати. И посла царь Соломон со всех кораблей ко царю Пору боляр своих з дарами аки купцев, чтобы их пожаловал царь Пор, велел во граде своем торговати. И приидоша боляре ко царю Пору з дарами, и поклонишася ему, и принесоша дары ему, и били челом Пору царю, чтобы приказал им торговати во своей земли. И царь Пор у купцев дары принел, и честь им воздал велию, и торговати им повеле во своем царстве. И вопроси их царь всех, коего кто града и страны, и чьей державы. И вси купцы сказашася разныя державы и разных градов. И потом поидоша вси во свои корабли. И потом царь Соломон нача ко царю Пору уряжатися и хотяше итти сам к нему. И призва к себе со всех кораблей бояр своих и нача им наказывати: «О любезный мои князи, и бояря, и верныя мои августелины, и воеводы, и все силное мое воинство, послушайте ныне мене. Аз иду ко царю Пору на смерть, и вы с кораблей отнюдь не исходите во град сами и никакова человека от себе с кораблей не пущайте, доколе мою смерть узрите. И как поведут меня на висилицу вешати, и вас царь Пор на смотрение всех позовет, и вы возмите с собою всякий человек по мечю да по зарукавью мелкое оружие тайное. И как я вострублю в трубу, и вы тогда на кораблях велите седлать кони. И как аз вострублю второе, и вы садитеся на кони своя и приетте ко царю Пору, и поклонитеся ему, и станте около висилицы кругом, а иныя и возле царя Пора. А все воинство смеситеся со индияны. И как вострублю в третие, и вы, князи и бояре мои, выскочите ко мне, к деснице, а иныя царя Пора и царицу мою ухватите. И все воинство сопротиво друг друга секите всех индиян, и оружием побивайте, и милости не кажите им, и никого не жалуйте без пощады». Как царь Соломон приказал им творити, и со всеми простися, и поцелова их всех. Они же вельми плакахуся о царе Соломоне. И потом пойде царь Соломон ко царю Пору на двор. И прииде ко царицыну крыльцу и стал по себе человека изжидать от царицы. И вышла боярыня сенная от царицы на крилец. И царь Соломон поклонися боярыне и показа ей перстень златый обручалный, которой с нею, с царицею, на браке обручались, и глагола: «Госпожа боярыни, не купит ли сей перстень царица?». И боярыня поиде ко царице и возвести ей: «Купец с корабля прииде, продает перстень златый царский». И царица повеле тот перстень взяти у купца и принести к себе. И как тот перстень бояриня принесла ко царице, и виде царица перстень, и опозна его, и ужасеся, и рече: «О беда моя, не ушла есть от царя Соломона». И повеле его к себе взяти в полату. И прииде царь Соломон ко царице в полату и поклонися ей ниско. И рече царица Соломону: «Почто еси, царю Соломоне, прииде? Смерть твоя с тобою». И рече царь Соломон: «Любовь твоя приведе мя семо». И царица взя Соломона царя, и повеле людем своим посадити его в свой казенной сундук, и ся