О волшбах и о обавницех 6-го собора правило 61.
Вдавшимся волшбам или глаголющем мудрецем и сотником или ким таковым: аки от тех навыкиути хотяще, аще открыти хотят: по первому от святых отец от них же заповеданию да повинуются правила канону 6 лет. Тацем же запрещением покорити подобает и влачащая медведи или какова животная; некако наругание простеяшим людем, и получение, рожество и родословие по[33] звездословию и таковых неких глаголы народопрелестное блядство приглашающая. Глаголемые же облакопрогонники, и чаровники, и хранительники, и волшебники; пребывающая же в тех, и неотбегающая пагубных тех еллинских начинаний вся везде от церкви отметати заповедаем[34] яко же священницы ныне[35] повелевають. Кое общение свету со тмою – яко же рече апостол, – или кое сложение церкви Божии со идолы[36] или какая часть верному с неверньм и кое совещание Христова со дияволом.
Иже последуют пагубным обоянием и к волхвом или ко обавником[37] ходят, или в дом свой тех призывают, хотяще уведети неизреченная; такоже и кормяще, и храняще медведи, или иная некая псы и птицы ловчии на ловление и на глумление и на прельщение простейших человек или в получаи[38] веруют и в родословие: рекше в роженицы, и во обояние, по звездословии иже глаголет облаки гонящеи: таковая творящим повеле собор 6 лет запрещение даяти; яко же за 4 лета да стоят[39] с верными и тако сподобятся божественных даров; аще неисправни[40] будут и по запрещении, еленских сих хитростей неостанутся от церкви везде всячески да отженутся. О волхвех же и обавницех[41] рекоша Богоноснии[42] отцы церковнии учителие; паче же инех Иоанн Златоуст[43], яко волшествующе и обавление творяще, аще и святая Троица имя нарицающе[44], аще и знамение честнаго креста Христова творя[45], бегати оть них подобает и отвращатися. Иже во Акире[46] и правило 24: волшествующе[47] и обычаю язычных последьствующе вводяще[48] в домы своя на испытания, потвор или на требление, законом запрещение примут 6 лет по заповеданным степенем; рядом 3 лета внутрь, пребывание вне церкви 2 лета; молитвы без просфиры и комкания[49]. Аще кто к волхвом или обавником[50], или зелейником, или другим таковым себе вдаст, и сия призывает в дом свой; да открыют и поведят ему о них же желание имать; или очаровану ему бывшу, обрести: хотя таковое смыти[51] яко злом злее[52] исцеляя, – 3 лета да припадает и за 2 лета да стоит с верными токмо молитва с ними приобщая[53]; и тако по сконьчании пяти лет причастится святых тайн.
Правило 61-е 6 собора иже в Турле полатнем: 6 лет таковым не повелевает отпущения приимати; рекше, – не причащатися 6-го собора в Константине граде в Турле[54] Полатнем правила II. Ни едино есть приобщение христианом к жидом, сего ради[55], аще обращется тех опресноки ядя, или врача их призывая на целбу себе, или мыяся с ними в бане, или инако како присвояся[56], аще есть причетник, да извержется или мирянин да отлучится. 19 Василия Великаго правило 72-е. Волшебником себя вдаст[57] или ким таковым детоубийцы[58] и то запретится. Вдавый[59] себе волхвом или обавником или чародеем на учение злохитрства их, яко волею убивый запрещение да приимет; веруя же в волхвы, или вводяи их в дом свой обретения ради некоего очищения, отправления, или откровении ради неких, неизреченных, – 6 лет запрещение да приимут[60], яко же 61 правило повелевает 6-го вселенскаго собора, иже в Константине граде в Турле Полатнем и 73-е правило в сем послании Великаго Василия.