So ah got ma sale doon the watter fur the price of a dug's heid; punter wanted the heid of this dug name uv Serry-bruce that lived on the far shoar, on the Ile of the Deid; sed the dug woold never miss it, an he needed a figure-heid fur his roary-boat, furbye. Pritty weerd sort of thing to ask fur if ye ask me, but ah suppose peepil get a bit ecksentric and daft, stuk out here in the stiks.
Misty an dark on the uthir side ov the river as wel. Left Karen stannin in his boat an went off up the roade towards this big sorta palace thing on a cliff, keepin an eye open for this big dug Serry-bruce. Just as weel ah did; basturt jumpt me in this big coartyard place right on the clifside. Fukin thing had three heids! Snarlin and droolin it wiz. Saw whit the big fella ment about it no missin a heid. Lopped one affnae problem, wunderin how meny licences ye'd need for this thing; wan or three? Then duz the basturdin hownd no go an grow back the heid ahd just cut aff? Aw, fuk this, ah thoght.
His first is in canine, but in feline, not;
His next is in teeth and also garotte,
The third is in bark but not there in bite,
While the fourth's -
'Here boy! Fetch!' ah shoutit at the big dug, an took the wee dirk oot while it wiz still jibberin away an threw it over the cliff. The dug fell fur it.
Lookd over the clif and saw Serry-bruce hit the roks down at the bottim. Ded pleased with masell so ah woz, until the fukin heid ahd just cut aff went rollin over the edge right beside me; made a grab fur it but it fell doon an splatterd ovir the stanes at the bottim of the cliff too. Basturt! ah thought. Loss me wee dirk too; set offintae the big palace in a no very good mood. It wiz ded dark inside. Ah couldnae hav been lookin whate ah wiz goin coz a giv ma heid a terribil dunt on some ded low doorway; startit seein stars; it wiz like buttin a marble statyou or sumthin, so it woz. Could hardly see; think ma heid wiz bleedin too, blud gettin in ma eyes. Ah wiz blunderin about an tryin to feel whare the hell a wiz, bumpin intae things and swayrin an cursin an blindin an that. Next thing ah knew thare's this hissin and the sound ov arrers shootin past ma heid an skitein aff pillers an waws an the stanp flare. Ah still coold hardly see, but ah coold just aboot make oot sum funny-lookin basturt in the shadows, hissin at me an tryin to shoot arrers intae me. Oh fuk, ah thought. Wish ah still had that wee dirk with me.
Her first is in limestone, but not lapilli,
Her next is in ossiferous, but not ossify.
The third's in demand, but -
'Stop fukin jibberin an cum here!' Ah just aboot saw the wee dirk floatin near ma haund; grabbed it an threw; then dyeved fur the flare. Whoever wiz makin the hissin noyse sort of made a stranglin, chokin sound, then stoppt. Went ovir an had a look at this horribil lookin wuman that had been slingin these arrers at me; still couldnae see propir, but ye shoold hav seen the state ov her hare; tolk about rats tales! Couldnae hav washed it in years. Left her lyin fayce down in her own blud; the wee dirk was stuk in her throate; ah pullt it out. Sware that horribul wimins blud wiz burny, like asid or sumhim. Nevir mind, ah thoght; keep lookin fur the Sleepin Byooty.
'Aw wait a fukin minnit!'
Bombed oot agen! Whit had happened was Id fynelly found this wee sorta chamber thing; only place in the whole palace with anythin in it; rest wiz empty. Nae mair horribil wumin or dirty grate dugs wi two meny heeds, but nae tressure eyethir. Ah coold tell this wiz all goantae be anuthir toatil wayste of time an ah wuznae very pleased alredy, but at leest, ah thought, there shoold be this byootyfull sleepin lassy; ment tae be ded luvly; suppoasd to wake up with a kiss; whit ahm goantae giv her shoold make her reelyfukin lively, ah thoght.
But its a man! 'Aw fuk!' Just a room an a man lyin in bed, all white-faced an asleep. There's these big things like metal chests on theyre sides all clustered around him an wee bit things like strings attached tae him. Fuk aw else. Ahm about to slit the basturts throate just on generil principils when this bit ov the waw suddenly starts talkin to me, an this paintin appears on it, only the paintin moves! Its a wumin's fayce; a no-bad lookin lassy with red hair. 'Don't,' she sez. 'Who the fuk are yoo?' ah asks her, no killin the guy but goan up tae this pictcher an tolkin tae it. 'Don't kill him,' the lassy sez. Ah tap the pictcher but it sounds like glass. Ah go intae the room behind it, but its empty tae; damn things no a windy or anyhin like that. 'Why no? Why shouldnae ah kill him?' ah asked the womin. 'Because he will become you; you will kill yourself and he will live again, in your body. Just leave now, please. Don't look at the Medusa's face, and don't take the -' then the pictcher goes all funny an her voyce disappeeres; sounds like that horribil womin hissin. Ah gave the screen a dunt with the end of ma sord but it just broke. Got a bit of glass right on the heid; startit bleedin agen. 'Aw cum on,' ah sez, wipin the blud off ma brows. Turned to go, then ah saw this wee gold thing like a statue of a big frog or sumthin, sittin on a windy-ledje. Liftit it up an it felt hevy enuoph to be gold, so I put it in ma breeks pocket an desided it wiz time to shoot the craw, like they say. Left the bampot lyin in the bed toatally unmollested; seemed half deid enyway so what the fuk. Thohgt aboot lookin for the lassy in the pictcher, but ah wiz gettin tired an ah still hadnae had anythin tae eat or drink so ah deside, time tae go hame. Went back through the dark bit an nearly tripped ovir the body ov the horribil wumin. Remembered Karen; thoght there probly widnae be much left of eny wan of that damn dugs heids evin if ah coold get doon tae the bottim of the cliff; so ah cut aff the horribil wumin's heid an slung it ower ma shoulder. Her herr wiz like sneks, ahm no kiddin.
Got bak doon tae whare Karen wiz waiting in the oary boat, aw tall dark and ugly an still wi his erms crossd an lookin ded hotty an dissdanefool. 'Haw Karen,' ah sed. 'The dug wiznae thare; will this wumin's heid dae insted, aye?' Ah held the horribil wumin's heid up an waved it at him. The guy froze. Ye widnae credit it; basturt turned tae stone right in frunt of ma eyes. Big buggir went strate throo the botom of his boat like a statyou an settled on the sand unnerneeth; the roary boat sank around him. 'Aw fur fuk's saik? ah shoutit, an threw the horribil wumin's heid doon intae the watter. Just ma fukin luk, eh? Whyse it happin tae me? I thoght. Sat doon on the shore an just aboot felt like greetin. Just wiznae ma day, ah desided; nae luk at oil.
Then ah thoght I herd a noyse cumin from ma pockit; took oot the wee goldin statyou an lookt at it. Stil lookd sortof like a frog, though it seamed to have wings or sumthin on its bak. Enyway, ah looked at it, then at the watter, an I thoght; whit the hell, ah'll swim it. Had tae leeve the majic armer an ma new curiearse an that; ah put the sord over ma back tied to ma belt, with the belt loopd rownd the wee golden statyou as well, then ah waded intae the watter and startit swimmin. Still had ma good socks on, wi the majic dirk stuck down wun. Canny swim proper like, but ah can dae the doggy-paddle, ye ken? Got tae the far bank eventually. The watter in the rivir didnae tayste too bad, an ah woz thirsty enyway. Stood on the far bank neer the big rok whare the man was chaned up. Nae sign of the ded eegil. Bloak on the rok wiz deid too thogh; sumthin inside him seemed to have swelled up an burst oot ov him, all ovir the place, like wun of them cancres or whitevir. Lookt like livir. The wee gold statyou seamed to make anuthir noise, just ded faint like. Ah wundered if it really woz sayin sumthin or weathir it wiz just the dunt on the heid ahd got earlier maykin me heer voyces. Stil, the wee thing sounded like it was maikin a noyse. Ah held it up tae ma ear. That woz ma big mistaik.
'Well my boy, that was damned decent of you to come and rescue me from the infernal regions. Didn't think the Sleeping Beauty dream-telepathy would work, between worlds; or that you'd make it. Should have known you'd easily pass for a shade though; you were never exactly brilliant at the best of times, were you? You know I'd swear these rocks look metamorphic, not igneous ... well, come on my little Orpheus, let's get you out of here before you get yourself turned into a pillar of peppercorns or whatever. I suggest -'