Многие образа Пресвятой Богородицы являются чудотворными (их по последним данным 364). Они являли православному миру чудеса исцеления от различных болезней, рассказать о каждом из них в рамках этой небольшой книги нет возможности.
Поэтому я адресую тех, кто захочет узнать больше об этом, к книге «Земная жизнь Пресвятой Богородицы и описание святых чудотворных Ее икон» Софии Снессоревой, вышедшей в Ярославле в 2004 году.
Молитва Пресвятой Богородице. В честь Ее образа «Целительница». В любой болезни«Приими, о всеблагословенная и всемощная Госпоже Владычице, Богородице Дево, сия молитвы, со слезами Тебе ныне приносимые от нас, недостойных раб Твоих, ко твоему цельбоносному образу пение возсылающих со умилением, яко Тебе Самой зде сущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от обид избавляеши, прокаженныя очищаеши и малыя дети милуеши; еще же, Госпоже Владычице Богородице, и от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему.
О всепетая Мати, Пресвятая Богородице! Не престай моляся о нас, недостойных рабех Твоих, славящих Тя и почитающих Тя и поклоняющихся со умилением пречистому образу Твоему, и надежду имущих невозвратну, и веру несумненну к Тебе, Приснодеве преславней и непорочней, ныне и присно и во веки веков. Аминь».
Молитва Пресвятой Богородице. В честь Ее образа «Нечаянная радость». При потере слуха и болезни ушей, против блудной страсти«О Пресвятая Дево, всеблагого Сына Мати всеблагая, града и святаго храма сего покрове, всех сущих во гресех и скорбех, бедах же и болезнех верная Предстательнице и Заступнице!
Прими молебное пение сие от нас недостойных раб Твоих Тебе возносимое; и якоже древле грешника, на всяк день многажды пред честною иконою Твоею молившагося, не презрела еси, но нечаянную радость тому даровала еси, и усердным к Сыну Твоему ходатайством Сего ко прощению грешника преклонила еси, тако и ныне не презри моления нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющимся, по коегождо потребе нечаянную радость дарует; да вси на небеси и на земли ведят Тя, яко твердую и непостыдную Предстательницу рода христианского и сие ведущее славят Тя и Тобою Сына Твоего, со безначальным Его Отцем и единосущным Его Духом, ныне и присно и во веки веков. Аминь».
Молитва Пресвятой Богородице. В честь Ее образа «Козельщанская». При телесных повреждениях, травмах«Богородице Дево, Пренепорочная Мати Христа Бога нашего, Заступнице всего рода христианскаго! Чудотворней иконе Твоей благоговейнее предстоящее, молим Тя: услыши нас, молящихся Тебе; прими благодарения наши недостойная о всех неизреченных Твоих к нам благодеяниях, в месте сем и во многих весех и градех земли Российския явленных и являемых. Ты бо еси больных исцеление, скорбящих утешение, заблудших исправление и вразумление. Буди всем нам покров и утешение, пристанище от всяких зол, бед и обстояний, от глада, труса, потопа, огня, меча, нашествия иноплеменников, смертоносныя язвы и от злых человек озлобления. Вознеси молитвы наша, яко кадило благовонное, ко престолу Всевышняго, дарующаго нам здравие, долгоденствие и в трудех благочестивых поспешение, да Твоим окормлением управляеми и покровом Твоим осеняеми, прославим Отца, Сына и Святаго Духа и Твое матернее о нас заступление, всегда, ныне и присно и во веки веков. Аминь».
Молитва Пресвятой Богородице. В честь Ее образа «Феодоровского». О помощи в родах«К кому воззову, Владычице, к кому прибегну в печали моей? К кому принесу слезы и воздыхания моя, аще не к Тебе, Царице Небеси и земли? Кто исторгнет мя от тины грехов и беззаконий, аще не Ты, о Мати Живота, Заступнице и Прибежище рода человеческаго? Услыши стенание мое, утеши мя и помилуй в горести моей, защити в бедах и напастях, избави от озлоблений и скорбей, и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческия; такожде от своея ми плоти гнусных обычаев свободи мя. Укрый мя под сению милости Твоея, да обрящу покой и радость и от грехов очищение. Твоему матернему заступлению себя вручаю; буди мне Мати и надежда, покров, и помощь, и заступление, радость и утешение и скорая во всем помощница.
О чудная Владычице! Всяк притекаяй к Тебе без Твоея всесильныя помощи не отходит; сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубовнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь».
Пречистой Богородице. В честь Ее образа «Умягчение Злых Сердец» («Семистрельная»)Тропарь
«Умягчи наша злая сердца, Богородице, и напасти ненавидящих нас угаси, и всякую тесноту души нашей разреши. На Твой святый образ взирающи, Твоим страданием и милосердием о нас умиляемся и раны Твои лобызаем, стрел же наших, Тя терзающих, ужасаемся. Не даждь нам, Мати благосердная, в жестокосердии нашем и от жестокосердия ближних погибнути. Ты бое си воистину злых сердец умягчение».
Молитва Пресвятой Богородице. В честь Ее образа «Всецарица». При раковых заболеваниях«О всеблагая досточудная Богородице Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати, рцы слово, да исцелится душа моя и укрепится немоществующее тело мое. Имаши бо державу непобедимую и не изнеможет у Тебе всяк глагол, о Всецарице! Ты за мя упроси, Ты за мя умоли. Да прославлю преславное имя Твое, всегда, ныне и в безконечныя веки. Аминь».
Молитва Пресвятой Богородице. В честь Ее образа «Троеручица». При увечье и болях рук«О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему! Услыши нас грешных, пред чудотворною иконою Твоею усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты ест от всех родов избранная и благословенная во веки веков. Аминь».
Молитва пред иконой Божией Матери «Утоли моя печали». При депрессии, унынииЭта чудотворная икона издревле одна из самых почитаемых в России.
К ней, заступнице, прибегают верующие в минуты скорби и печали, и молитва каждого обратившегося к образу Божией Матери не остается неуслышанной.
«Надежда всех концев земли, Пречистая Дево, Госпоже Богородице, утешение мое! Не гнушайся мене грешнаго, на Твою бо милость уповаю: угаси ми пламень греховный и покаянием ороси изсохшее мое сердце, очисти ум мой от грешных помыслов, прими мольбу, от души и сердца со воздыханием приносимую Тебе. Буди о мне Ходатаица к Сыну Твоему и Богу и укроти гнев Его Материными Твоими молитвами: душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отыми бремя грехов моих. И не остави мене до конца погибнути, и печалию сокрушенное сердце мое утеши, да славлю Тя до последнего издыхания моего. Аминь».