Утренняя стихира, глас 8.
Явля́я Себе́ ученико́м Твои́м, Спа́се, / по воскресе́нии Си́мону дал еси́ ове́ц па́ству, / за любве́ воздая́ние, / я́же о па́стве попече́ния ищя́. / Те́мже и глаго́лал еси́: / а́ще лю́биши Мя, Пе́тре, / паси́ а́гнцы Моя́, паси́ о́вцы Моя́. / Он же а́бие показу́я друголю́бное, / о друзе́м ученице́ вопроша́ше. / И́хже моли́твами, Христе́, ста́до Твое́ сохраня́й, / от волко́в губя́щих е́.