«Почто, царю, сильных во Изранли побил еси и воевод, данных ти ла
врага твоя, различными смертьми расторгл еси, и победоносную, святую
кровь их во церквах Божиих пролиял еси, и мученическими кровьми праги
церковные обагрил еси, и на доброхотных твоих и душу за тя полагающих
неслыханы от века муки и смерти и гоненья умыслил еси, изменами и
чяровани и иными неподобными облыгая православных, и тщася со
усердием свет во тьму прелагати и сладкое горько прозывати? Что
провинили пред тобою, и чем прогневали тя кристьянскии предстатели? Не
прегордые ли царства разорили и подручны тобе сих во всем сотворили, у
них же прежде в работе были праотцы наши? Не предтвердые ли грады
ерманские тщанием разума их от Бога тебе данны быста? Сия ли нам
бедным воздал еси, всеродно погубляя нас? Али ты безсмертен, царю,
мнишися, и в небытную ересь прельщен, аки не хотя уже предстати
неумытному судье, надежде христьянской, Богу начяльному Иисусу,
хотящему судити вселенней в правду, паче же не обинуяся пред гордым
гонителем и хотяще изтязати их до власти ( В других списках до влас)
прегрешения их, яко же словеса глаголют? Он есть - Христос мой, седяше
на престоле херувимстем, одесную величествия во превысоких, - судитель
межу тобою и мною.
«Коего зла и гонения от тебе не претерпех! И коих бед и напастей на мя
не подвигл еси! и коих лжей и измен на мя не възвел еси! А вся
приключившая ми ся от тобе различныя беды по ряду, за множество их, не
могу изрещи, и понеже горестью еще душа моя объята бысть. И вкупе вся
реку конепше: всего лишен бых, и от земли Божия тобою туне отогнан
бых. И воздал еси мне злая возблагая ( В других списках за благие), и за
возлюбление мое - непримирительную ненависть. И кровь моя, яко вода
пролитая за тя, вопиет на тя к Богу моему. Бог сердцам зритель - во уме
моем прилежно смыгшшх и совесть мою свидетеля поставлях, и исках, и
зрех мысленне и обращался, и не вем себе, и по наидох ни в чем пред
тобою согрешивша. Пред войском твоим хожах исхожах,и никоего тебе
безчестия приводях; но развее победы пресветлы, помощию ангела
Господня, во славу твою поставлях и никогда же полков твоих кристьян к
чюжим обратих; но паче одоления преславна на похвалу тобе сотворих. И
сие ни во едином лете, ни в двою, ни (В других списках но.) в довольных
летех потрудихся, многими поты и терпением; яко мало и рождегаии мене
зрех и жены моея не познавах. и отечества своего отстоях, но всегда в
дальноконных градех твоих, против врагов твоих, ополчяхся и претерпевах
естественныя болезни, имже Господь мой, Иисус Христос свидетель; паче
же учящен бых ранами от варварских рук в различных битвах, и
509
сокрушенно уже ранами все тело имея. Но тебе, царю, вся сия ни во что же
бысть.
«Но хотех рещи вся но ряду ратные мои дела, их же сотворих на похвалу
твою, но сего ради не изрекох, зане лутчи един Бог весть: он бо, Бог, есть
всим сим мъздовоздаятель, и не токмо сим, но и за чяшу студеные воды. И
еще, царю, сказую ти их тому: уже не узриши, мню, лица моего до дни
Страшнаго суда. И не мни мене молчяти ти о сем: до дни скончяния
живота моего буду безпрестанно со слезами вопияти на тя
пребезначяльной Троицы, в нея же верую; и призывая в помощь
херувимского владыку, матерь, надежу мою и заступницу, владычицу
Богородицу, и всех святых, избранных Божиих, и государя моего князя
Федора Ростиславичя.
«Не мни, царю, ни помышляй нас суемудренными мысльми, аки уже
погибших, и избъенных от тебе неповинно, и заточенных, и прогнанных
без правды; не радуйся о сем, аки одолением тщим хваляся: разсеченныя
от тебе, у престола Господня стояше, отомщения на тя просят; заточенные
же и прогнанные от тебе без правды от земля ко Богу вопием день и нощь
на тя! Аще и тмами хвалишися в гордости своей, в привре-менном сем и
скоротекущем веке, умышляючи на кристьанской род мучительныя сосуды,
паче же наругающи и попирающи ангельский образ, и согласующим ти
ласкателем и товарищем трапезы бесовские, согласным твоим
боярогубителем души твоей ( В других списках несогласным твоим бояром,
губителем души твоей. ). и телу, иже и детьми своими, паче Кроновых
жерцов, действуют. И о сем, даже и до сих. А писаньеце сие, слезами
измоченное, во гроб со собою повелю вложити, грядущи с тобою на суд
Бога моего, Иисуса. Аминь. Писано во граде в Полмере, господаря моего,
Августа Жигимонта короля, от него же надеян много пожалован быти и
утешен ото всех скорбей моих, милостию, его господарскою, паче же Богу
ми помогающу.
«Слышах от священных писаний, хотящая от дьявола пущенна быти на
род кристьянский прогубителя, от блуда зачятаго, богоборнаго антихриста,
и видех ныне сигклита, всем ведома, яко от преблужения рожден есть, иже
днесь шепчет во уши ложная царю и льет кровь кристьянскую, яко воду, и
выгубил уже сильных во Израили, аки делом антихристу: не пригоже у
тебя быти таковым потаковником, о царю! В законе Господни в первом
писано: «моавитин и аммонитин и выблядок до десяти родов во церковь
Божию не входят», и прочая».
«Тимохи Тетерина.
«Господину Михаилу Яковлевичю Тимоха Тетерин да Марко Сарыхозин
челом бьет. Писал еси, господине, Волмер ко князю Олександру
510
Полубинскому; а называет нас, господине, изменники не по делом, и мы
бы, господине, и сами так, уподобяся собаки, умели против лаяти, да не
хотим такова безумия сотворити; а были бы, господине, мы изменники
тогда, коли бы мы, ни мала скорби не претерпев, побежали или бы от
государева жалованья; а то, господине, и так есмя виновата, что есмя не
исполнили долго апостольского, паче же Христова слова, и не бежали от
гонителя, а побежали уже по многих нестерпимых муках и по наругани
ангельского образа. И ты, господине, убойся Бога, паче гонителя и не зови
православных кристьян, без правды мучимых и прогнанных, изменниками.
«А и твое, господине, чесное Юрьевское наместничество не лутчи моего
Тимохина чернечества; а был еси, господине, наместником пять лет на
Смоленске, а ныне тебя государь одаровал наместничеством Юрьевским с
пригородки, что Турской Мутьянского воеводством пожаловал; а жену и
детей у тобя взял в закладе, а доходу тебе не указал ни пула; а велел тобе
свою две тысячи рублев занявши проесть, а Полукашиным, господине,
будет тебе заплатити нечем. А невежливо, господине, молвити: чяю
недобре и верять. Есть у великого князя новые верники: дьяки, который его
половиною кормят, а другую половину собе емлют, у которых дьяков отцы
вашим отцам в холопъстве не пригожалися, а ныне не токмо землею
владеют, но и головами вашими торгуют.
«Да саблю, государю, хощешь на нас доводити, и в том, государь,
сердцам зритель, волен Бог. Он бо есть, зрит всех вину и правость
сердечную. И ты, господи, не спеши, в стрельне сидя шестой год, хва-
литися! А Бог, государь, за грехи у вас ум отнял, что вы над женами и над
детми своими и над вотчиняшками головы кладете, а жен своих и детей
губите, а тем им не пособите. А сметь, государь, вопросити: каково тем
женам и детем, у которых отцов различными смертьми побили без правды?
А мы тебе, господине, много челом бьем».
Погодинский сборник был известен Г. 3. Кунцевичу, который, как уже
указано, напечатал по этому сборнику грамоту гетмана Полубенского и
использовал его (в вариантах) при напечатании первого послания
Курбского царю, послания его старцу Вассиану и послания Тетерина
Морозову. Однако Кунцевич не воспользовался этим сборником при