Молитва Входу Господню в Иерусалим
Господи Иисусе Христе Боже наш, в вышних со Отцем на Престоле седяй, выну на крылу от Херувим носимый и певаемый от Серафим, во днех же плоти Своея на жребяти осли сести изволивый нашего ради спасения, и от детей воспевание приявый и во Святый град Иерусалим прежде шести дней бытия Пасхи на вольную страсть пришедый, да спасеши мир Крестом, погребением и Воскресением Твоим! И якоже тогда людие, седящие во тьме и сени смертней, приемши ветви древес и ваиа от финик, сретоша Тя, Сына Давидова Тя исповедуя, такожде и нас ныне в предпразднственный день сей в подражание онех ваиа и ветви в руках носящих соблюди и сохрани. И якоже онии народи и дети «осанна» Тебе приношаху, сподоби и нам во псалмах и пениих духовных душами чистыми и нескверными усты прославити вся величия Твоя в праздник сей и во всю седмицу страсти Твоея и неосужденно достигнути и причаститися Божественныя радости Святыя Пасхи в пресветлые дни Живоноснаго Воскресения Твоего, да воспоем и прославим Твое Божество вкупе со Безначальным Твоим Отцем и Пресвятым и Благим и Животворящим Твоим Духом всегда ныне и присно и во веки веков. Аминь.
Пасха. Светлое Христово Воскресение
Пасха Христова – праздник праздников и торжество из торжеств.
Господь наш Иисус принял смерть на кресте в Страстную пятницу. В тот же вечер он был похоронен в гробнице. По прошествии субботы утром Мария Магдалина, Иоанна, Мария, мать Иакова, и другие женщины, пришли ко гробу Иисуса, чтобы по обычаю помазать тело Его благовониями. Но они увидели, что гробница пуста. Явились им два сияющих ангела и сказали: «что вы ищете живого между мертвыми? Его нет здесь: Он воскрес; вспомните, как Он говорил вам, когда был еще в Галилее, сказывая, что Сыну Человеческому надлежит быть предану в руки человеков грешников, и быть распяту, и в третий день воскреснуть» (Лк. 24:5–7). Женщины вспомнили слова Спасителя и поспешили с радостной вестью к его ученикам. По дороге им явился Христос и они с радостью поклонились ему. После этого Христос не единожды являлся ученикам, а на 40-й день вознесся к Богу Отцу. Неделя после Пасхи называется Светлой и считается праздничной. Богослужения на Светлой седмице совершаются при открытых царских вратах – в знак того, что Господь Своим Воскресением отверз верующим двери рая.
В Светлую седмицу вместо утренних и вечерних молитв читаются Часы пасхальные.
Молитвословия Часов пасхальных
Молитвами святых отцев наших, Господи Иисусе Христе, помилуй нас. Аминь.
Тропарь:
Христос воскресе из мертвых, смертию смерть поправ, и сущим во гробех живот даровав. (Трижды.)
Воскресение Христово видевше, поклонимся святому Господу Иисусу, Единому Безгрешному. Кресту Твоему поклоняемся, Христе, и святое Воскресение Твое поем и славим. Ты бо еси Бог наш, разве Тебе иного не знаем, имя Твое именуем. Приидите вси вернии, поклонимся святому Христову Воскресению: се бо прииде Крестом радость всему миру. Всегда благословяще Господа, поем Воскресение Его: распятие бо претерпев, смертию смерть разруши. (Трижды.)
Ипакои:
Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго, с мертвыми что ищете яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Кондак:
Аще и во гроб снизшел еси, Безсмертне, но адову разрушил еси силу, и воскресл еси яко Победитель, Христе Боже, женам мироносицам вещавый: Радуйтеся! и Твоим апостолом мир даруяй, падшим подаяй воскресение.
Во гробе плотски, во аде же с душею яко Бог, в раи же с разбойником, и на Престоле был еси, Христе, со Отцем и Духом, вся исполняяй, неописанный.
Слава Отцу и Сыну и Святому Духу:
Яко Живоносец, яко рая краснейший, воистинну и чертога всякаго царскаго показася светлейший, Христе, гроб Твой, источник нашего Воскресения.
И ныне и присно и во веки веков. Аминь:
Вышняго освященное Божественное селение, радуйся: Тобою бо дадеся радость, Богородице, зовущим: благословенна Ты в женах еси, Всенепорочная Владычице.
Господи помилуй. (Сорок раз.)
Слава Отцу и Сыну и Святому Духу, и ныне и присно, и во веки веков. Аминь:
Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.
Христос воскресе из мертвых, смертию смерть поправ и сущим во гробех живот даровав. (Трижды.)