* * *
6.
Ленивый гореи есть болнаго:
болныи бо, аще лежить, то не ясть,
а ленивый и лежить и ясть.
* * *
7.
Уне есть слеп очима,
неже слеп сердцем.
* * *
8.
Не буди сладок без меры,
егда когда пожруть тя,
не буди без меры горек,
да не отбежать от тебе друг твои.
* * *
9.
Уне есть от премудра бьену быти,
неже от безумна маслом помазану быти.
* * *
10.
Мир стоит до рати,
а рать — до мира.
Максим Грек
11. СЛОВО НА НИКОЛАЯ НЕМЧИНА,
ПРЕЛЕСТНИКА И ЗВЕЗДОЧЕТЦА
Миру убо преставление предвозвещати спешил еси, о Николае, повинувся звездам, внезапное же житиа твоего раззорение предрещи не возмогл еси, ниже предъуведети.
Что твоего безумна безумнейше!
То убо воистину суетныя есте премудрости учителе, елицы непщуете звездами обноситися всем, ваше же безчастие не можете предъуведети, яко же глаголет Леонид:
«Волхвы, елицы смотряете звездное шествие,
Изчезнете, суетныя премудрости сущи лжи учителе;
Вас смельство родило, безумие воспитало,
Иже ни свое безчастие можете предъуведети».
Симеон Полоцкий
ВЕРТОГРАД МНОГОЦВЕТНЫЙ
12. ИЗ ЦИКЛА «ОБЛИЧЕНИЕ»
Идеже
[7]
место несть обличению,
тамо свобода грехов творению.
13. ПРАВДА
Знающе
[8]
правду, а о ней молчати —
есть злато в землю тщетно закопати.
14. НИЩЕТА ЦАРЕЙ
Царие и князи, суще пребогати,
обыкоша скудость едину страдати:
Много рабов имуть, сокровище в злато
соблюдают иным зело пребогато,
Но нищи суть в други правду глаголивы, —
вси бо по их воле глагол деют лстивы.
15. ИЗ ЦИКЛА «МОНАХ»
1
Огонь есть со сеном — инок со женами,
не угасимый многими водами.
2
В кремень железо тогда ударяет,
егда пол женский инока касает.
16. ИЗ ЦИКЛА «ПОХОТЬ»
Похоть псу есть подобна: гонима — гонзает
[9]
,
аще
[10]
же питается — в тебе пребывает.
17. СЛЕПЕЦ
Слепец аще слепцу руковожд бывает, —
и вождь, и водимый во яму падает.
18. ИЗ ЦИКЛА «НЕВЕЖДА»
Невежда ученого елма
[11]
поучает,
слепец очитого
[12]
мужа провождает.
19. ИЗ ЦИКЛА «ЗАВИСТЬ»
Яко
[13]
ехидну плод чрева снядает,
тако завистна зависть умерщвляет.
20. ДИОГЕН
Диоген-философ егда умираше,
от друг обстоящих вопрошаем бяше
[14]
,
Где изволит телу погребенну быти.
«Изволте мя, — рече, — в поли положити
На верее земленнем»
[15]
. Они отвещают:
«Тамо тело твое звери растерзают».
Он рече: «Палицу при мне положите».
Они: «Что ти есть в ней, друже нарочите
[16]
Не почюеши бо
[17]
, сый
[18]
души лишенный».
Он же: «Векую убо
[19]
бываю смущенный?
Аще не почую, звери не досадят,
егда растерзавше тело мое снядят
[20]
.
Где-либо хощете, тамо погребите,
мне во ин век с миром отити дадите»
[21]
21. КОНЦА ЗРЕТИ
Егда хочщеши дело начинати,
конец первее требе разсуждати.
Евфимий Чудовский
22. <НА СБОРНИК ПРОПОВЕДЕЙ
СИМЕОНА ПОЛОЦКОГО
«ОБЕД ДУШЕВНЫЙ»>
Новосоставленная книга сия «Обед»
подвлагает
[22]
снедь, полну душетлительных бед.
23. СЛАВА
Уне есть мясо ясти
[23]
, вино сладко пити,
неже ближняго славу злым словом вредити.