Тогда въступи Игорь князь
в злат стремень,
и поеха по чистому полю;
солнце ему тъмою
путь заступаше,
нощь, стонущи ему грозою,
птичь убуди свист зверин -
Въста зби Див,
кличет връху древа,
велит послушати земли незнаеме:
Влъзе, и Поморию, и Посулию,
и Сурожу, и Корсуню,
и тебе, Тьмутороканский блъван [14] .
А половци
неготовами дорогами
побегоша к Дону Великому,
крычат телегы полунощи,
рци, лебеди распущени [15] ;
Игорь к Дону вои ведет.
Уже бо беды его
пасет птиць подобию,
влъци грозу въсрожат [16] по яругам,
орли клектом на кости
звери зовут,
лисици брешут
на чръленыя щиты.
Припев. О Руская земле,
уже за Шеломянем еси! [17]
Длъго ночь мркнет,
заря свет запала,
мъгла поля покрыла,
щекот славий успе,
говор галичь убуди.
Русичи
великая поля
чрьленами щиты
прегородиша,
ищучи себе чти,
а князю славы.
ПЕСНЬ 4
С зарания в пятк
потопташа
поганыя плъкы половецкыя,
и рассушясь стрелами по полю,
помчаша красныя девкы половецкыя.
А с ними злато и паволокы,
и драгыя оксамиты.
Орьтъмами и япончицами, и кожухы
начаша мосты мостити по болотом
и грязивым местом,
и всякыми узорочьи половецкыми;
чрьлен стяг, бела хорюговь,
чрьлена чолка, сребрено стружие [18] -
храброму Святьславличу.
Дремлет в поле
Ольгово храброе гнездо,
далече залетело;
не было нъ обиде порождено,
ни соколу, ни кречету, ни тебе,
чръный ворон, поганый половчине.
Гзак бежит
серым влъком,
Кончак ему след правит
к Дону Великому [19] .
ПЕСНЬ 5
Другаго дни велми рано
кровавыя зори свет поведают,
чръныя тучя с моря идут,
хотят прикрыти 4 солнца,
а в них трепещут синии млънии [20] ,
быти грому великому,
итти дождю стрелами
с Дону Великаго.
Ту ся копием приламати,
ту ся саблям потручяти
о шеломы половецкыя,
на реце на Каяле, у Дону Великаго [21] .
Припев. О Руская земле,
уже не «за» Шеломянем еси!
Се ветри, Стрибожи внуци [22] ,
веют с моря стрелами
на плъкы Игоревы;
земля тутнет, рекы мутно текут,
пороси поля прикрывают, стязи глаголют:
половци идут от Дона, и от моря,
и от всех стран, -
рускыя плъкы оступиша.
Дети бесови
кликом поля прегородиша,
а храбрии русици
преградиша чрълеными щиты.
ПЕСНЬ 6
ЯрТур Всеволоде!
стоиши на борони,
прыщеши на вои стрелами,
гремлеши о шеломы
мечи харалужными [23] .
Камо Тур поскочяше,
своим златым шеломом посвечивая,
тамо лежат
поганые головы половецкыя,
поскепаны саблями каленами
шеломы оварьскыя
от тебе Яр Туре Всеволоде.
Кая рана дорога, братие,
забыв чти и живота,
и града Чрънигова,
отня злата стола,
и своя милыя хоти,
красныя Глебовны,
свычая и обычая?
ГераклТаргитайТроян. Таргитай, поражающий чудовище топором
ПЕСНЬ 7
Были вечи «сечи» Трояни,
минула лета Ярославли [24] ,
были плъци Олговы,
Ольга Святьславличя, -
тьи бо олег мечем крамолу коваше
и стрелы по земли сеяше.
Ступает в злат стремень
в граде Тьмуторокане,
тоже звон слыша
давний Великый Ярославь сын Всеволод,
а Владимир по вся утра уши закладаша
в Чернигове [25] .
Бориса же Вячеславлича
слава на суд приведе,
и на Канину
зелену паполому постла [26] ,
за обиду олгову, -
храбра и млада князя.
С тоя же Каялы
Святоплък повелея «по сече я»
отца своего
между угорьскими иноходьцы [27]
ко Святей Софии к Киеву.
Тогда, при олзе Гориславличи,
сеяшется и растяшеть усобицами,
погибашеть жизнь Даждьбожа внука [28] ,
в княжих крамолах
веци человеком скратишась.
Тогда по Руской земли
ретко ратаеве кикахуть,
нъ часто врани граяхуть,
трупиа себе деляче,
а галицы свою речь говоряхуть,
хотять полетети на уедие [29] .
То было в ты рати, и в ты плъкы,
а сицеи рати не слышано.
Ярослав Мудрый, прижизненный портрет на свинцовой печати Ярослава
ПЕСНЬ 8
С зараниа до вечера,
с вечера до света
летят стрелы каленыя,
гремлют сабли о шеломы,
трещат копиа харалужныя
в поле незнаеме,
среди земли Половецкыи.
Чръна земля
под копыты,
костьми была посеяна,
а кровию польяна,
тугою взыдоша
по Руской земли.
Что ми шумить,
что ми звенить
давеча рано пред зорями?
Игорь плъкы заворочает [30] ,
жаль бо ему мила брата Всеволода.
ПЕСНЬ 9
Бишася день, бишася другый,
третьяго дни к полуднию
падоша стязи Игоревы;
ту ся брата разлучиста
на брезе быстрой Каялы,
ту кроваваго вина недоста,
ту пир докончиша
храбрии русичи.
Сваты попоиша,
а сами полегоша
за землю Рускую,
ничить трава жалощами,
а Древо с тугою к земле преклонилось [31] , -
уже бо, братие,
не веселая година въстала,
уже пустыни силу прикрыла.
Въстала обида
в силах Дажьбожа внука,
вступил Девою
наземлю Трояню -
въсплескала лебедиными крылы [32]
на Синем море,
у Дону плещучи,
убуди жирня времена.
Дева (змееногая богиня Дева). Изображение на серебряном обруче (браслете) из Киева в составе клада 1903 г.
ПЕСНЬ 10
Усобица князем -
на поганыя погыбе,
рекоста бо брат брату:
се мое, а то моеже [33] ;
и начаша князи про малое:
се великое, молвити,
а сами на себе крамолу ковати,
а погании с всех стран
прихождаху с победами
наземлю Рускую.
Припев. О, далече зайде сокол,
птиць бья, к морю!
А Игорева
храбраго плъку не кресити [34] :
за ним кликну карна,
и жля поскочи по Руской земли,
смагу мычучи в пламяне розе [35] , -
Жены руския
въсплакашась, аркучи:
«Уже нам своих милых лад
ни мыслию смыслити,
ни думаю сдумати,
ни очима съглядати,
а злата и сребра
ни мало того потрепати» [36] .
А въстона бо, братие,
Киев тугою,
а Чернигов напастьми,
тоска разлияся
по Руской земли,
печаль жирна тече
средь земли Рускыи.
А князи сами на себе
крамолу коваху,
а погании сами
победами нарищуще
на Русую землю,
емляху дань по беле от двора [37] .
ПЕСНЬ 11
Тии бо два
храбрая Святъславлича,
Игорь и Всеволод,
уже лжу убуди [38] ,
которую то бяше успил
отец их Святъславь
Грозный Великый Киевский.
Грозою бяшеть,
притрепетал -
своими сильными плъкы
и харалужными мечи
наступи на землю Половецкую,
притопта хлъмы и яругы,
возмути реки и озеры,