Артыкул 6
Хто бы колвек с паньства нашого до земли неприятельское утекл.
Теж уставуем, хто бы колвек с подданых наших утекл с паньства нашого до земли неприятельское умыслом злым на здраду а ку шкоде нам, господару, и речы посполитой, такий честь тратить. А дети ачкольвек для того выступу отца своего почстивости своее не тратять, але от именей отца своего отпадывають, которые до столу нашого господарского привернены быти мають, яко ж всих таковых именей по здрадцах яких же кольвек на нас, господара, припалых, мы, господар, николи никому отдавати не маем, абы ся на вси потомные часы здрада такового выступного показывала. А кождый, хто бы што таковых добр у нас, господара, собе упросил, а будучи о то упомненый, зася до столу нашого господарского пустити не хотел, тогды и тот сам за такого ж безецного розумен быти маеть. А ведь же дети того здрайцы естли бы што мели властного набытья своего албо перед тым учинком отца своего от него отделены были, тогды при том зостати мають. Таким же обычаем и жоны, естли будуть не ведали таковое здрады мужов своих, таковые в том будуть заховани, яко в третем артыкуле сего розделу о таких ест написано. А если бы тот здрайца, утекаючы до земли неприятельское, был пойман, тот горло и почстивость тратить. А иж вжо заплату свою возметь, дети его яко при чти, так и при именьях отца своего зоставати мають, так же и жоны при маетности, им належачой.
Артыкул 7
Естли бы отец от детей утекл до земли неприятелское, также и которые близские, и о том, хто бы такого поймал або забил.
Теж уставуем, естли бы отец от детей утекл до земли которого неприятеля нашого и сего паньства нашого великого князства литовского, а дети на именью зоставил по собе, тогды именья его на нас, господара, и на реч посполитую спадывають, абовем за выступ отца их вжо суть отдалены от именей. А ведь же который бы сын был делный от отца своего и первей тое части своее в держанью был, нижли утечеть отец его, и мешкал бы на том кром отца не в одном местцу и не в одном дому, а тое здрады и учинку отца своего не ведал и не был бы подойзреный и вывелся того присегою своею, тогды таковые сынове и дочки от почстивости своее, именей отчизных и материстых не отпадывають. А естли бы который прирожоный брат албо дядко, або который ли будь з роду утекл до земли неприятеля нашого и земль поганьских неприятелских, тогды делница, то ест часть его, будеть ли выделена была, альбо и не выделена, спадываеть на реч посполитую и на нас, господара, до столу нашого. А ближний жаден ку тому ничого не маеть мети. А вед же то братьи и близкимь яко почстивости, так и частям именья их шкодити не маеть. А хто бы такового здрадцу утекаючого забил або живого до нас и вряду нашого привел, такового почстивости то шкодити не маеть, але ещо за то годен будеть ласки нашое господарское. А если бы такого здрадливого утеканья не довел, тогды сам тым маеть быти каран, яко о доводе и каратью вышей около ображенья маестату нашого ест описано о том, хто на кого што ведеть, а не доведеть. А гонечи хто за таким здрайцою маеть ся перво на котором кольвек вряде близшом в том гоненью оповедати, иж за тым збегом гонить. А тот артыкул маеть ся стегати на всих тых, якого кольвек народу и стану людей, которые бы в том выступе пойманы были, так через старост граничных, яко и через иншие особы, которые бы за ним гонили, и на который вряд таковый здрайца пойманый будеть дан, маеть быти у везенью задержан до сойму, а на сойме тым же правом маеть быти сужон, окром народу людей стану простого, которые и без сойму сужоны и караны быти мають на вряде том, где будеть поиман.
Артыкул 8
Если бы здрадца кому именье заставил або продал первей, нижли з земли утекл.
Теж коли бы который здрайца первей, ниж до земли неприятельское утечеть, будучи ещо в паньстве нашом, продал або запродал кому якое именье, або люди, або земли, тогды тот, хто купить або закупить, окажеть ли на то листы слушные врядовые, иж за тыми того именья в держанью врядовне ест, тогды тот таковое именье, купленое вечностью а закупленое до отданья ему сумы пенезей, держати спокоем маеть. А пакли бы такового доводу правного слушного не оказал, тогды тое купленое або закупленое именье тратить. А о голых долгох за слушными правными записы на именья збеглого внесеных, хотя бы ещо хто перед утеченьем водлуг записов ку держанью именья не пришол, так ся розумети маеть, иж тот, хто ся с таковыми долги окажеть, маеть присегнути на том, же о умысле его таковом злом не ведаючи, тую суму пенезей дал. А так за тым от сумы своее отдален быти не маеть, заховуючи в том при моцы першие записы, яко о том в розделе семом нижей описано ест. А где бы ся трафило, жебы тот, хто до земли неприятельское утечеть, отбег именья через него у кого кольвек закупного або такового, о которое бы хто его, будь близкостью самого того именья або яких кривд, шкод, з него поделаных, позыскуючи, первей утеченья его позывал, тогды на закупном именью мы, господар, только сумы, которую оный збеглый на нем мел, смотрети маем. А принявши суму, именье тому пущоно быти маеть, кому вечность его водле права належати будеть. А о таковое именье, которого бы близкостью хто доискивался або кривд, шкод, з него поделаных, доходил, мы, господар, через инстыкгатора або умоцованого нашого на том же вряде, до которого оный збеглый был позыван, росправу водлуг права посполитого приняти маем, за обвещеньем и зложеньем нам року через лист отвороный того то вряду, которого будуть позвы о то первей зашли. Который лист маеть быть покладан на том же именью, о которое право идеть, перед початком роков земских або рочков кгродскихь за шесть недель. А держачий от нас таковое именье што наборздей маеть нам о том листе врядовом знати давати. Пакли быхмо з яких причин на першие роки або рочки ку такой справе никого от нас не послали, тогды вряд, тую реч еще до других рочков отложивши, повторе то нам листом своим ознаймити маеть. А то вжо будеть рок завитый, на который где быхмо никого не послали, вряд маеть, далей водлуг права слухаючи доводу, судити и сказывати и нам то листом своим судовым ознаймити через тую ж сторону жалобную. А мы, господарь, яко будучи сторожом справедливости от пана бога постановленым, узнаем ли з паны радами нашими суд врядовый слушный, водлуг того ся ку стороне жалобной заховати будем винни.
Артыкул 9
О спокойном и учстивом захованью при дворе нашом господарском.
Уставуем, кгды бы хто будучи при дворе нашом а не поважаючи пристойне зверхности нашего маестату, смел того ся важити, а на кого другого на палацу нашом торгнути словы быстрыми, ущипливыми, славе доброй и учстивости шляхетской шкодливыми, а о то бы ся укривьжоны до нас утекл з жалобою, тогды мы о тую реч ображоному справедливость неотволочную назавтрее ж, а надалей третего дня, маем с паны радами нашими, пры нас на тот час будучими, вделать, и найдет ли ся в том винным, маем того за нашу вину везеньем на замку шесть недел карати. А жалобной стороне о прымовку справедливость ведле права учинити. А хто бы на кого перед нами, господарем, або хотя и не перед обличностью нашою, але на палацу, в замку и на дворе нашом торгнулся рукою и дал кому другому поличок, таковый черезь вряд двору нашого маеть быти зараз прыстигнен и не спущаючи з замку або з двору нашого ставлен перед нами и сужон. А найдеть ли ся то с права, же он и початок учинил и ударил, за тую вину нашу маеть быти каран везеньем, седеньем на замку нашом, где будеть воля наша, в том паньстве нашом чверть року. А оному ображоному навезку водлуг стану его совито маеть заразом без складанья жадных роков заплатити. А естли при поличку роскрывавит, тогды навезку также совито платити маеть и черезь полрока везенье терпети винен будеть. Хто бы теж перед нами, господарем, корда, шабли або якое иное брони достал и ранил, тот горло тратит. А где бы от тое раны умер або хто зараз забит был, тот горло и почстивость тратит, а головщина або навезка совито з именья и маетности его мает быти плачона и отправена без отволоки. А хотя бы хто, торгнувшися на кого и добывши брони перед нами, не забил и не ранил никого, тот руку тратит. А хто бы в замку, на палацу або в дворе том, где быхмо сами особою нашою господарскою были, на кого другого брони ку зваде достал, таковый, хотя бы не ранил, тогды везеньем у вежи на замку чверть року без вшелякое фолкги каран будет. А естли бы ранил, тогды за доводом руку тратит, а з ыменья або маетности рухомое ранному навезька совито отправлена быти мает. А пакли бы хто так шкодливе был ранен, ижбы не мог быть жыв, тогды за такового ранного шляхтич и вшелякого стану и достоенства чоловек мает быти через нас або вряд наш дворный шлюбом завязан до росправы, поки тот ранный с тых ран або умрет, або жив зостанеть. А естли бы от тых ран умер, тогды тот, который ранил, с права за доводом горлом мает быти каран, а головщина з именья або маетности винного теж совито плачона будет. А где хто не толко на палацу и дворе, але в месте на улицы або в дому и на котором кольвек местцу в месте том, где мы сами персоною нашою господарскою будем, кого ранил, збил або насмерть забил, тогды тот такой же вине подлечи маеть, яко бы на полацу нашом то вделал. Естли ж бы хто, будучи о такий выступ через вряд наш дворный заказан, не усправедливившися проч зехал, тогды таковый за доводом и поконаньем стороны жалобное водлуг права маеть быти зараз с панств наших выволан, а за учинок, пополненый перед обличностью нашою, або за уеханье через шлюб и чьсти отсужон. Але потомкове за выступ отца своего никоторой вине за то не подлегають, только стороне ображоной отправа водлуг вины на именью и маетности его чинена быти маеть. А хто бы перед заказом уехал, а о то бы до заказу очевистого не пришло, маеть по обвиненого позов наш дворный толко на две недели дан быти, и кладен тот позов по оселого на близшом именью его, а по неоселого позов такий выданый маеть быти прибиван у брам замковых и местских, и пры костелех, и через возных обволыван, рок ему ку справе также за две недели назначаючи. А не станет ли и за позвом, то также верхуописаное выволанье и иншое каранье водлуг учинку противко него стегатися маеть. Вед же где бы шло о якую реч, што ся чсти дотычеть, тогды то аж на сойме с паны радами нашими здешнего паньства судити маем. А будеть ли такий свовольный на горачом учинку пойман, а тот бы учинок вину отсуженья чсти и горла за собою тягнул, тогды таковый, яко тот, который сам собе тым учинком вольность свою шляхетскую зкгвалтил, маеть быти у везенью лжейшом до сойму осажон, и потом на сойме первшом ку розсудку в той речи ставен.