А где бы и за позвом не стал, тот вжо тым самым учинком и непослушеньством ку праву не толко горло, але и честь тратити будеть за отосланьем врядовым з розсудку нашого господарского и панов рад того паньства на сойме за доводом стороны поводовое, водлуг права на конец учиненым, там же перед врядом нашим кгродским на оном року запозваном. А неоселый человек в том панстве нашом, кгды бы будь у двору нашого господарского албо под урядом нашим которым судовым, в которую вину с тых верхумененых попал, а не усправедливившися перед заказом або и по заказе врядовом, албо по справе сказанью досыт не учинивши и везенья не выконавши, проч отехал, таковый где колвек можеть быти под которым врядом постигнен, там черезь тот вряд за оказанем на листе судовом переводу правного у оного вряду, от которого зникнул, тыми винами вышей описаными водлуг важности выступку своего каран быти маеть. А где бы шло о учинок крвавый о забойство, таковый неоселый за даньем справы от вряду нашого, под которым ся то станеть, почтивости и горла черезь нас, господара, на сойме отсужон быти маеть, а за раны выволаньем с паньств наших каран будеть.
Артыкул 11
Хто бы напротивку выроку нашому мовил.
Теж уставуем, кгды быхмо мы, господар, с паны радами нашими з выроку нашого сказанье учинили, а хто бы смел против тому выроку нашому и по сказанью што противного мовити, тогды таковый якого ж колвек стану так высокого, яко и низшого маеть седети на замку нашом шесть недель, а то никому не маеть быти отпущоно.
Артыкул 12
Хто бы з пригоды до земли сусед наших утекл, и о даванью таким кглейту.
Уставуем теж естли бы хто з якое пригоды припалое, кром ображенья маестату нашого и здрады речи посполитое, зехал до земли якого суседа нашого, выймуючи землю неприятелскую, таковый почстивости, горла, ани именья не тратить, одно маеть справоватисе тому, от кого будеть обвинен, и ласки нашое господарское перенайдовати за кглейтом нашим. А тот кглейт наш на врядех и везде, где ся оборочати будеть, а особливе по местом, торгом и при костелех, мает давати обволывати и прибиваньем цедул ознаймовати и рок выйстья кглейту оповедати. А то для того, абы собе тым лепшую беспечность меть мог. А если бы в том часе не переправил собе ласки нашое господарское и тому, кому завинил, не справил ся, тогды мают такового засе з границ панства нашего за тым же кглейтом нашим пропустити, леч не до земли неприятелское. А то мають чинити перед выйстьем кглейту. А нам, господару, волно будеть кглейт далший дати еще раз другий, а надалей и третий, яко бы ся от выволанья перед роком и шестьма неделями за тыми кглейты выволаный з стороною своею противною росправил и ласку нашу господaрскую собе перееднал. И хотя бы хто болш над то кглейтов с канцлярыи нашое одержал, таковый кглейт жадное моцы и важности, яко ку зволоце справедливости одержаный, мети не будеть. То ж ся маеть розумети о даванью кглейтов и тым, которые бы за нестаньем своим перед нами, господарем, або перед судом головным, будь теж до суду кгродского и земского, або за непоступленьем увязанья водлуг сего ж статуту до выволанья прыходили.
Артыкул 13
О зкгвалтованье и зламанье кглейту.
Теж уставуем, естли быхмо мы, господар, кглейтом своим кого убеспечили, а тот бы кглейт явне и значне был обволан, за которым бы он обвиненый на справу до нас або до вряду нашого приехал, а хто бы такового под тым часом ранил, тогды за раны совитую навезку платити, а за зламанье кглейту полрока у вежи на дне седети мает. А естли бы забил без его початку и причины, таковый сам маеть быти каран горлом, яко тот, который кглейт наш господарский зкгвалтил, а головщина совитая з маетности его лежачое и рухомое детям або близким его маеть быти плачона. Тым же обычаем хто бы, за кглейтом приехавши, а сам спокойне и скромне ся не заховал, а кого без данья причины и не в обороне живота своего ранил або забил и який кольвек кгвалт учинил, тот сам собе кглейт зламал и за такий учинок и своволеньство свое честь и горло тратить. А о то не будеть ли пойман на горачом учинку, позов ити маеть до кгроду на рок завитый. И зостанеть ли в том с права винень, ино вряд кгродский на горло маеть его сказати. А где бы таковый по учинку зникнул, проч зехал не росправившися, таковый честь тратить и маеть быть выволан вечным выволаньем со всих паньств наших, жебы ся до них николи не ворочал. А где бы ся таковый где в котором паньстве нашом знашол коли кольвек, предся тое каранье вышей мененое через вряд наш кгродский, под которым бы был постигнен, выконано над ним быти маеть. А головщина, раны и шкоды на именью мають быти отправлены або, в недостатку именья, и маетности рухомой, естли бы которая в паньстве нашом зостала. А тож ся маеть розумети и о послех чужоземских, которые до нас, гoсподара, в посольстве приеждчають.
Артыкул 14
О мандатех, в которых речах мають быть с канцлярии нашое даваны.
Напервей мандаты мають быти даваны о ображенье маестату нашого, господарского, и о здраду речи посполитое. Теж хто бы, у войску кого забивши або кгвалт який, што несеть за собою вину крвавую, учинивши, утекл. Хто бы теж покой посполитый взрушил, яко ест вышей в артыкулех о ображень]е маестату нашого, гoсподарского, ширей описано. К тому где бы хто на панов рад наших, воевод, кашталянов, старост, подкоморих и на вряд судовый кгродский и земский або комисарский, будучи им на справах наших, господарских, и земских або на суде седячих, а не поважаючи местца зверхности нашое, господарское, торгнулся рукою и кого с тых станов помененых ранил або забил, тогды таковый маеть быти позыван перед нас, господара, мандатом нашим на сейм. А там на сойме з розсудку нашого, где ся то покажеть, честь и горло тратить. А где бы не ранил, ани забил, одно словне обелжил, тогды таковый маеть быти позван до суду головного трибунальского, а тот суд за доводом слушным маеть его сказати на везенье до вежи на шесть недель, которое везенье отпущоно быти не маеть. Теж листы мандаты наши мають быти даваны в речах и пожиткох, столу и скарбу нашого, господа]рского, належачих, то ест доходы и пожитки, з добр нашихь приходячие, и чиненья з них личбы и теж от кривды и шкоды подданых наших от врядников наших, которые бы ся стали з укривжень]ем скарбу нашого от врядников наших. Еще теж мають быти мандаты даваны в тых речах, о которых в трибунале, то ест в артыкулех головных судов, до мандатов нашых дорога ест указана. К тому теж мають быть мандаты даваны о мыто, где бы старостове, державцы або мытники наши, го]спо]да]рские, мыто новое небывалое, яким кольвек назвиском названое, в местех, на селах, на дорогах, на мостех и торговое на торгох вымышляли и брали албо над уставу а привилья наши мыт подвышали и вытегали, албо от подвод наших, го]спо]да]рских, и шляхетских мыто по дорогах и в местечках брали. А за маньдатом кождый рок маеть быти завитый покладан от поданья очевистого або положенья на именью мандату, естли будем в здешнем панстве, — за чотыри недели, а естли за границою того паньства будем, — за осм недель. А о иншие некоторие речы, кром тых вышей помененых и в трибунале описаных, артыкулы, маньдаты никому кгволи с канцляреи нашое не мают быть даваны. А естли бы были выданы, тогды сторона о иншую реч, кром тых менованых, мандатом нашим позвана будучи, не повинна будет перед нами становитисе. А за нестаньем жадная сказнь и отправа на такого давана быти и выданая моцы жадное мети не мает, для чого печатари и писары нашы постерегаючы в том достоенства и поваги маестату нашого и затрудненья справедливости людское, мають того пилновати, абы над сее замерень]е мандаты с канцляреи нашое не выходили. А естли бы позваный перед нами стал, о то, же его неслушне мандатом позвано, оказал, тогды тот, хто его вызвал повинен будеть сам або прокуратор его, не сходечи с права, заплатити вины сто коп грошей, которое вины половица стороне, а другая половица до скарбу нашого быти маеть. А што се дотычеть бранья мыт черезь князей, панов, шляхту на именьях их так подорожного, яко и торгового мыта, также и на перевозех, будь новых незвыклых без данины нашое або теж подвышшаючи над уставу и привилья наши, таковых хто бы то чинил вольно будеть о то позвати до суду земского того ж повету, в котором се то деяти будеть на рок завитый водлуг артыкулу двадцать девятого, в сем же розделе описаного. А окроме тых] причин так маньдатов, яко и позвы наши никоторие за двором нашим никому даваны быти не мають.