Библиотека литературы Древней Руси. Том 2 (XI-XII века)

34. Сущее

Видиши ли, яко вера поспешьствоваше деломь его и от делъ вера съвръшися, и събышася Книгы[327] глаголющая.

Толк. Кирил. Принеси словесную жрътву и сущиемь естьства законы извещай, и неотроченыя любве попери жало, и на земли ничтоже, токмо разве еже о Бозе любы.

35. Сущее

Верова же Авраамь Богови, и въменися ему въ правду, и другъ Божий наречеся.[328] Видите ли убо, яко от делъ оправдается человекь, а не от веры единоя токмо?

Толк. Кирил. Старость убо имат правду, иже верою чьстыи — всехъ Бога и Владыку.

36. Апостоль

Такоже и Равь блудная не от дель ли оправдися, приимши сходникы и инемь путемь изведши?[329] Якоже бо и тело без духа мертво есть, тако и вера без делъ мрътва есть.

Толк. Севирианово.[330] Слыши Писаниа, съведетельствующа ея оправданиа,[331] яже бе въ блуде: бисьръ въ кале светяся,[332] злато в тимении поврьжено, цветъ благочестия въ трьнии подавляем, благочьстная душа, въ злочестиа стране затворена.

Яко дрьзы и бе-щинны языкь умрьщвяет имущаго и, егоже потреба дрьжати на похвалу и на славу Божию

37. Сущее

Не мнози учителе будете,[333] братие моа, ведуще, яко больи грехъ приимемъ.

Толк. Златоуст. Понеже учащему, а не творящому не токмо приобретениа несть, нъ и тъщету велику и судъ наносить. Въ таковемь нерасуждении жившу житие свое, без дела бо учящему, грех великь есть. Не съгрешаяй же въ деле и учении, и силенъ есть все тело обуздати, таковый да учить, и верою таковою да повелеваеть съ словомь правом, съ словомь светломь, съглашаяй вере, являя, яко все тело свое можеть въхластити, и ниединояже любве имети кь житийскым себе оставляеть.

38. Сущее

Много бо съгрешаем вси.

Толк. Севирово. Ибо много съгрешаемь вси. Идеже кто, веща, Христовь ученикь, требе есть намъ противу реченым делы благы преходити, могущиим на милость преклонити всехь судию и Бога, а не въ страстехь изьнемогше, яко человеци, затворени быти и не отчаятися своего спасениа.

39. Сущее

Аще кто словом не съгрешить, съ съвершенъ мужь, силенъ обуздати все тело.

Толк. Кирил. Ищедшу убо уму и смыслу свершеное показавшу бездельство, и ничтоже удрьжаниа имети о языце, и безатвора имети и къгда, нъ паче достоить въсприимати всегда достойное слову, глаголати же, всегда похвалы исполнь. Лепо же паче въ реченых мудрость, отречено бо есть святымь глаголати буесловие, рекше гнилословие,[334] якоже рече всемудрый Павелъ. Поминает же всегда святое Писание, глаголющее: «Слово ваше да есть въ благодати солию растворено».[335] Да и благодать дасться слышащимъ.[336] Приемлет же богодьхновенное Писание кроткаго въ словесех, похуляеть же языкъ невъздержьливъ. Рече бо: «Аще кто словомь не согрешить, сь съврьшенъ мужь, силенъ обуздати все тело». Глаголеть бо и Давидъ: «Положи, Господи, съхранилище устомъ моим, и двери ограждены оустнах моих».[337] И пакы рехъ: «Съхраню пути моа, не съгрешити ми языком моим». Добро убо есть хранилище, еже не съгрешающь языкь имети.[338]

40. Апостоль

Се бо и конемь узды въ уста вълагаем, да повинуются нам, и все тело ихъ обращаем. Се же и корабли толици суще, и от жестокь ветръ затачаеми, обращаются от мала кормила, аможе аще стремление правящему хощеть.

Толк. Ещеже и се не еже случается языку тоже глаголати. Глаголеть убо, яко уздою дерзость коня въстязаемь, и кормило мало стремьление кораблю править. Много же паче языкъ въ правоглаголание управляти должьни есмь, да не малъ сущь хвалится,[339] занеже великъ намъ приносить искусъ. Неправьдою красяся, все тело оскверняеть. И въжчигаеть намъ огнь геены, нъ и сам горить от огня. Како убо не палить ли съвязаных нечьстивых по руце и по нозе и въметаемы въ огнъ вечный,[340] уготованый диаволу и аггеломь его? Темь и псаломникь въпиеть: «Положи, Господи, съхранение устом моимь». Да не постражеть, яко паче языкь ближняго палимь, никакоя улучя утехы.[341]

41. Сущее

Такоже и языкъ малъ удъ есть и величяется. Се малъ огнь колику громаду[342] съжизаеть.

327

...събышася Книгы... — Имеется в виду, что стих «Верова Авраам Богу, и вменися ему в правду» (Иак. 2, 23) является цитатой из Ветхого Завета (Быт. 15, 6).

328

... и другъ Божий наречеся. — Выражение «друг Божий», по-видимому, принадлежит апостолу Иакову (только применительно к Аврааму). В Священном писании упоминается, что Бог возлюбил Авраама (Ис. 41, 8) и называл его возлюбленным (2 Парал. 20, 7).

329

Такоже и Равь ... изведши... — Текст, близкий к апостолу Павлу, приводящему как пример спасения по вере блудницу Раав (Евр. 11, 31). О поступке хананеянки Раав рассказывается во 2-й главе Книги Иисуса Наввина. Она спрятала у себя разведчиков (соглядатаев) Иисуса Наввина, осадившего Иерихон, и помогла им выйти из города. Она поступила так, потому что считала, что выполняет волю Божию.

330

Севирианово. — Севериан (ск. после 408 г.), епископ Гавальский, проповедник, богослов, автор толкований на библейские книги.

331

Слыши Писаниа, съведетельствующа ея оправданиа... — После взятия Иерихона, Раав и весь ее дом были пощажены Иисусом Наввином, и в этом проявилось ее оправдание (Нав. 4, 24).

332

... бисьръ въ кале светяся... — Это выражение есть в Повести временных лет в похвале княгине Ольге в 969 (6477) г.: «в неверныхъ человецехъ светящеся, аки бисеръ в кале» (БЛДР, 1, с. 116). О выражении «бисер в кале» см.: Лихачева О. П. Яко бисер в кале // ТОДРЛ. Т. 50. С. 110—112.

333

Не мнози учителе будете... — Апостолы и евангелисты неоднократно предупреждали против самозванных учителей: тех, кто поучает других, не будучи опытен сам, а также тех, кто недостаточно благочестив, ибо считает себя лучше других людей и тем дает себе право учить, как например фарисеи и книжники. Ср. Мф. 23, 7; Римл. 2, 21; 1 Кор. 13, 29 и др. Апостол Павел подчеркивает, что учительство есть дар свыше, предназначение от Бога (Ефес. 4, 11), данное немногим. А кому такой дар не дан, тот не должен учительствовать, ибо это принесет только вред.

334

...гнилословие... — Ср. Ефес. 4, 29: «Никакое гнилое (σαπρός) слово да не исходит из уст ваших».

335

Слово ваше да есть въ благодати солию растворено. — Ср. Кол. 4, 6: «Слово ваше да будет с благодатью, приправлено солью».

336

...и благодать дасться слышащимъ. — Ср. Ефес. 4, 29: «Дабы оно доставило благодать слышащим».

337

Положи, Господи ... о устнах моих. — Пс. 140, 3—4.

338

Съхраню пути моа ...имети. — Ср. Пс. 38, 2. Цитата «Съхраню пути моа, не съгрешити ми языком моим», а далее реминисценция: «Добро убо есть хранилище, еже не съгрешающь языкь имети» — Пс. 140, 3 («Положи хранило») и Пс. 38, 2 («съгрешити ми языком»).

339

...хвалится ... — Хвалитися, вельми хвалитися — μεγαλαυχεῖν. Здесь этот глагол имеет значение «иметь большое значение, много делать, иметь большую силу». Теодорович считает μεγαλαυχεῖν гапаксом Нового Завета.

340

Κако убо не палить ... вечный... — Ср. Мф. 22, 13.

341

Да не постражеть...улучя утехы. — Трудное для перевода (может быть, испорченное) место. Здесь в славянском переводе смешались слова πλοόσιος (богатый) и πλησίος (ближний). Этот малопонятный текст можно считать аллюзией к евангельскому рассказу о богатом и Лазаре (Лк. 16, 24) — богач в аду просил Бога послать Лазаря, чтобы тот «омочил перст» и охладил ему язык, потому что он мучается в пламени. Может быть, надо было бы перевести так: «чтобы не пострадать ему, как тот богач, язык которого горел в пламени».

342

...громаду... — В Синод. — вещь, в греч. ὕλη — вещество. Теодорович указывает (с. 82—83), что ὕλη — вещество, гапакс Нового Завета. Основное значение — лес. Смысл сохраняется и при этом значении: лес сгорает от малого огня. В Сирийском — лес, в Вульгате — silvam (лес).