А от Шаибата же 10 месяць сухом итьти, а морем 4 месяца аукиков{233}. А оленей окормленных режуть пупы, а пуп в нем мускус{234} родится; а ди/л. 383 об./кыи олени пупькы ис собя ронять по полю и по лесу, ино ис тех воня выходить, да ест то тот не свеж.
Месяца маа Великий день{235} взял есми в Бедере{236} бесерменьском и в Гондустани; а в бесермене бограм{237} взяли в среду месяца маа; а заговел есми месяца априля 1 день. О[57] благоверный християне![58] Иже кто по многым землям много плавает, в многые грехы впадает и веры ся да лишает христианскые[59]. Аз же, рабище божие Афонасие, и сжалися по вере; уже проидоша четыре великые говейна{238} и 4 проидоша Великые дни, аз же грешный не ведаю, что есть Великый день, или говейно, ни Рожества Христова не ведаю, ни иных праздников не ведаю, ни среды, ни пятници не ведаю; а книг у меня нет{239}, коли мя пограбили, ини книгы взяли у мене[60], аз же от многые беды поидох до Индеи, занже ми на Русь поити не с чем, не /л. 384/ осталося товару ничево. Пръвый же Велик день взял есми в Каине{240}, другой Велик день в Чебукару в Маздраньской земли{241}, третий Великый день в Гурмызе{242}, четвертый Великый день в Индеи с бесермены в Бедери; и ту же много планах по вере по хрестьяньской.
Бесерменин же Мелик{243}, тот мя много понуди в веру бесерменьскую стати. Аз же ему рекох: «Господине! Ты намар кыларесен{244} менда намаз киларьмен, ты бешь намаз киларьсизъменда 3 калаременьмень гарип асень иньчай»; он же ми рече; «Истину ты не бесерменин кажешися, а хрестьаньства не знаешь». Аз же в многые помышления впадох и рекох себе: «Горе мне окаанному, яко от пути истинного заблудихся и пути не знаю, уже сам поиду. Господи боже вседержителю, творець небу и земли! Не отврати лица от рабища твоего, яко скорбь /л. 384 об./ близ есмь. Господи! Призри на мя и помилуй мя, яко твое есмь создание; не отврати мя, господи, от пути истинного и настави мя, господи, на путь твой правый, яко никоея же добродетели в нужи той сотворих тебе, господи мой, яко дни своя преплых все во зле, господи мой, олло[61] перводигерь{245}, олло ты, карим олло, рагым олло, карим олло, рагымелло; ахалим дулимо». Уже проидоша 4 Великые дни в бесерменьской земли, а христианства не оставих; дале бог ведаеть, что будеть. Господи боже мой, на тя уповах, спаси мя господи боже мой!
Во Индеи же бесерменьской, в великом Бедери, смотрил[62] есми на Великую ночь на Великый же день - волосыны да кола в зорю вошьли, а лось{246}[63] головою стоит на восток. На баграм на бесерменьской выехал султан на теферичь{247}, ино с ним 20 възырев{248} великых, да триста слонов наряженых в булатных /л. 385/ в доспесех{249} да с гороткы, да и городкы окованы, да в гороткех по 6 человек в доспесех, да с пушками да с пищалми; а на великом слоне 12 человек, на всяком слоне по два проборца великых, да к зубом повязаны всликые мечи по кентарю{250}, да к рылом привязаны великые железные гыры, да человек седить в доспесе промежу ушей, да крюк у него в руках железной великы, да тем его править; да коней простых тысяча в снастех золотых, да верблюдов сто с нагарами{251}, да трубникъв 300, да плясцев 300, да ковре{252} 300. Да на султане ковтан весь[64] сажен яхонты, да на шапке чичак{253} олмаз великы, да сагадак{254} золот со яхонты, да 3 сабли на нем золотом окованы[65], да седло золото, да перед ним скачет кофар{255} пешь да играеть теремьцем, да за ним пеших много, да за ним благой слон идеть, а весь в ка/л. 385 об./мке{256} наряжан, да обивает люди, да чепь у него велика железна во рте, да обивает кони и люди, чтобы кто на султана не наступил блиско. А брат султанов тот сидит на кровати на золотой, да над ним терем оксамитен{257}, да маковица золота со яхонты, да несуть его 20 человек. А махтум{258} сидит на кровати на золотой, да над ним терем шидян{259} с маковицею золотою, да везут его на 4-х конех в снастех золотых; да около людей его много множество, да перед ним певци, да плясцев много, да все с голыми мечи, да с саблями, да с щиты, да сулицами, да с копии, да с лукы с прямыми с великими, да кони все в доспесех, да сагадакы на них, да иныа нагы все[66], одно платище на гузне, сором[67] завешен.