63. О БОРАНЕ И ВОЛЕ[1476]
Сего борана род его яко начальника себе и вожда обраша[1477]. Той же, гордостию одержим, мня в силе не быти ему подобна нигде. Хотящу же ему власть свою распространити и инныя области себе покорити,[1478] надеяся на свои крепкия роги, воздвиже брань с волами и вызва на битву единаго от волов. И той абие прииде битися з бораном. Егда же тии сразишася, боран побежден же бысть и паде.
Сице подобает кийждоиму властелину, хотящему брань всчинати, размышляти, аще может сопротивитися неприятелю, с нимже хощет войну всчинати.[1479]
Тако сотвори славный воевода Июда Маккавей.[1480] Ибо той аще и многи враги силою Божиею победи, яко вси окрест живущии цари и велможи бояхуся его. Егда же сей, надеяся на свою храбрость, с малым числом воев своих сразися с крепльшим себе, абие от неприятелей убиен бысть. — I книг Маккавей.[1481]
64. О КУРИЦЕ И О КОРШУНАХ[1482]
Некая курица имея многия птенцы, их же хотяху похитити три коршуна и потребити я. Курица же яко мати о чадех своих печашеся и на растерзание их не даде.
Тем являя, яко кийждому властелину подобает подданныя своя защищати от всех нападающих на ня врагов.[1483]
Такое попечение име о людех своих Темистокл,[1484] воевода афинский. Ибо егда Ксеркс,[1485] царь Перский, различными образы тщашеся греков погубити наипаче жадаше[1486] пити кровь жителей афинских, и того ради многия лукавства измышляше, — обаче Темистокл все умыслы его ни во что претвори и никоему же злу на ня быти попусти. — Диодор.[1487]
65. О ЗЕМЛЕДЕЛАТЕЛИ И О МЫШАХ[1488]
Некий земледелатель по вся лета велие пиршество творяше в день рождения своего. И тако во едино лето от тех созва многия свои клевреты и угощению велие им сотвори.
По многом же питии оный земледелатель зажже пред домом своим огнь велий, да удобнейше с протчими званными ликует. Егда же сей возгоре, прииде ветр великий и дом его запали. И абие вси друзи его званныя разбегошася.
Сие же ему зрящу, избеже из дому его из огня мыш малая, юже той восхити и во огнь верже, глаголя: «О окаянная! Во благоденьствии всегда со мною была еси, ныне же зло страдати со мною не хощеши!»
Являя тем, яко во благополучии кийждо многия други имать, пришедши же беде, вси страждущаго оставляют и от дружества своего отчюждаются.
Сице Нерон, кесарь Римский, сотвори. Ибо егда упившуся ему, яко вином, яростию, повеле дом свой и град Римский зажещи и всех человек, хотящих огня избежати, повеле паки во огнь вметати. — В «Житии Неронове».[1489]
66. [1490] О ЛОВЦЕ ПТИЦ
Некий ловец простре своя сети, и абие нападоша множество врабии, но о тех небрежаше[1491], зане мали бяху.[1492]
Посих иныя виде, вяще тех, обаче ожидаше, како в сеть его великия птицы внидут. Врабие же насытившеся отидоша, большия же не приидоша.
Вечеру же бывшу, ловец той точию единаго воробья улови.
Тако бывает сребролюбцем, иже непрестанно помышляют, како стяжати имения мира сего, и никако же удовольствующе тем, еже имеют. Ибо иже гонит[1493] за неизвестным[1494], многаго известнаго лишается.
Сице сотвори некий прокуратор[1495] в Константине-граде. Ему же за труды его некий человек даде воздаяние, яже той прияти не восхоте, зане являше ему мало быти. Егда же посем не обрете не точию великаго, ниже малейшаго дара, разгневася на ся и повеле бити себе, да мудрейши будет, ибо всякое даяние со благодарением приимати подобает[1496] — Поктаний.[1497]
67. О ЗЕМЛЕДЕЛАТЕЛИ И МУЖИ ДИВИЕМ[1498]
Некий земледелатель идяше путем, обрете мужа дивия[1499], от хлада умирающа. Его же прият в дом свой, да согреет его.
Той же дивий муж виде земледелателя в дубраве руце свои дмяща[1500] и тем я согревающа. И паки, пришед в дом его, виде, яко той же ядь теми же устнами ухлаждает, — отбеже от дому его, глаголя: «Не хощу жити с человеки, иже теплое и хладное из одних уст испускает».
1478
Хотящу же ему власть свою распространивши и инныя области себе покорити. —
1479
...подобает кийждоиму властелину... с нимже войну всчинати. — В «Театре» и «Саде» сентенция не о политической мудрости властителя, а о житейски-бытовой осмотрительности: не переоценивать в заносчивости своих сил и возможностей, ибо всегда найдется сильнейший.
1480
Июда Маккавей — третий сын Маттафии, вместе с братьями Иоанном, Симоном, Елезаром и Ионатаном поднял и возглавил в 165–161 гг. до н. э. восстание иудеев против царей Сирии, владевших Палестиной (см. 1 Мак. 2:2–5, 3:1–25).
1483
...кийждому властелину подобает подданныя своя защищати от всех нападающих на ня врагов. —
1487
Диодор — Диодор Сицилийский (ок. 80–29 до н. э.), автор «Исторической библиотеки» в 40 книгах — первой «всеобщей истории» до середины 1 в. до н. э., с попыткой синхронизации греческих и римских событий. Сохранились книги 1–V и XI–XX, от остальных — фрагменты. Третьей греко-персидской войне и роли в ней Фемистокла отведена XI книга.
1489
В «Житии Неронове». — Светоний. Жизнеописания двенадцати цезарей. Гл. «Нерон», 38: «Он поджег Рим настолько открыто, что многие консуляры (‘бывшие консулы’) ловили у себя во дворах его слуг с факелами и паклей, но не осмеливались их трогать <...>. На пожар этот он смотрел <...> наслаждаясь, по его словам, великолепным пламенем».
1492
...небрежаше, зане Мали бяху... Врабие же насытившеся, отъидоша, большия же не приидоша. —
1496
...ибо всякое даяние со благодарением приимати подобает. —
1497
Понтаний — Джиовиано Понтано, или Джиованни де Понте (1426–1503), итальянский гуманист, писатель, ученый и философ, занимавший крупные посты на службе у неаполитанских королей Альфонса Арагонского и потом Фердинанда. Писал на латыни лирические стихи, дидактические поэмы, морально-этические, эстетические и естественно-научные трактаты, исторические работы. Особенно известны неоднократно переиздаваемые в XVI в. его сатирические диалоги, представляющие многообразные житейские ситуации и социальные типы.